• Tue. Nov 24th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

प्रधानमन्त्री ज्यू, यथार्थलाई नजर अन्दाज गरेर तपाईंको दास हुन कोही तयार छैनः अध्यक्ष लोहनी

ByHT

Apr 20, 2020
Spread the love

आज प्रकाशित अन्तरवार्ता अनुसार सम्माननीय प्रधानमन्त्रीको भनाइ मान्ने हो भने संचारमध्यम ले जे थाहा पाउँछन् त्यो सबभन्दा पहिले सरकारलाई सूचना दिनु पर्दछ । एकदलीय अधिनायकवादमा यो होला तर प्रेस स्वतन्त्रता भएका देशमा संचारमाध्यमले जनतालाई सुसुचित गर्ने हो । यो सामान्य यथार्थतालाई बिर्सेर गाली गर्नु प्रधानमन्त्रीको कुतर्क र डरलाग्दो दम्भ हो ।

प्रधानमन्त्रीजीले जनताको जीवन रक्षा पहिलो प्राथमिकता भएको भन्नु भएको छ यो ठिक हो तर जीवन रक्षाको लागि मगाएको औषधिको मोल भन्दा तीन दुगुना बढीमा ल्याउने र नेपाल सरकारमा रजिस्टर पनि नभएको कम्पनीलाई तीन घण्टा भित्र ठेक्का दिई गरेको अनिमियततालाई संरक्षण दिनुले जनताको जीवनमाथि केही व्यक्तिको आर्थिक स्वार्थको लागि खेलवाड गरेको देखाउँछ । यस्ता भ्रस्टाचारको खोजविन गर्ने कि अरुलाई गाली गर्ने ?

३. प्रधानमन्त्रीजी ले हेर्नु पर्योः हजारौ नेपालीहरु अहिले राजमार्गमा अलपत्र परेका छन् । तिनीहरुको लागि तपाईंको सरकारले के गरेको छ ? तपाईंको सरकारले ति सबैलाई घर पुर्याउने व्यवस्था गरेको भन्नु भएको छ । यदि यो हो भने ति छापामा निस्केका जनताको दुदसाका तस्बिरहरु के सबै झुट हुन् ? तपाईं अहम र दम्भको जालोमा हुनुहुन्छ । वरीपरी बस्ने धुपौरेले तारिफ गरेका छन् तर बास्तबिकता अर्कै छ । त्यसैले यथार्थता स्वीकार गरेर सकारात्मक कदम लिनुको सट्टा पत्रकार र अरु सबैको भनाइलाई “कर्कस धुन“ को रुपमा देख्न थाल्नु तपाईंको दृष्टि दोष मात्र हो ।

४. यो माहासंकटको समयमा हामी सबै सरकारलाई सहयोग गर्न चाहन्छम् । तर यथार्थलाई नजर अन्दाज गरेर तपाईंको दास हुन कोही तयार छैन ।

डा. प्रकाशचन्द्र लोहनी, अध्यक्ष राप्रपा

HT