• Thu. Nov 26th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

सांसदहरुलाई बैठकमा व्यक्तिगत टीकाटिप्पणीतिर नलाग्न सभामुखको आग्रह

ByHT

Jun 7, 2020
Spread the love

काठमाडौं । सभामुख अग्निप्रसाद सापकोटाले सांसदलाई सदनमा बोल्ने क्रममा व्यक्तिगत टीकटिप्पणी र आरोपप्रत्यारोपतिर नजान ध्यानाकर्षण गराएका छन् । प्रतिनिधिसभाको आइतबारको बैठकमा राष्ट्रिय जनता पार्टीकी सांसद चन्दा चौधरीले यही जेठ १९ गतेको बैठकमा एक सांसदले गरेको गरेकोे टिप्पणीप्रति आपत्ति जनाउँदै सो विषय रेकर्डबाट हटाउन माग गरेपछि सभामुखले यस्तो आग्रह गरेका हुन् ।

सभामुख सापकोटाले सो विषयका बारेमा सबै विवरण लिई कार्यव्यवस्था समितिमा राखेर छलफल गरिने जनाउँदै त्यस सम्बन्धमा रुलिङ भइसकेकाले प्रवेश नगर्न आग्रह गरे । साथै उनले वर्तमान संकटमा पनि सदन चलाएर राष्ट्रिय महत्वका विषयमा निष्कर्षतिर गइरहेका बेलामा व्यक्तिगत टीकाटिप्पणी र आरोपप्रत्योरोपतिर नजान अनुरोध गरे ।

सांसद चन्दा चौधरीले सदनमा हिन्दी भाषामा बोलेका आधारमा भारतीय चेली भनेर गरिएको टिप्पणीप्रति आपत्ति प्रकट गर्दै संसद् नियमावलीमा नै आफूलाई सहज हुने भाषामा सदनमा बोल्न पाउने व्यवस्था रहेको बताएकी थिइन् ।

HT

Leave a Reply

Your email address will not be published. Required fields are marked *