• Sun. Nov 29th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

बझाङमा पहिरोमा पुरिएका मध्ये ६ जनाको शव फेला

ByHT

Jul 4, 2020
Spread the love

बझाङ । बझाङको केदारस्यूँ गाउँपालिका ८ मल्लेसी गाउँमा शुक्रबार राति गएको पहिरोले घर बगाउँदा बेपत्ता भएका सात मध्ये ६ जनाको शव भेटिएको छ । १८ घर पहिरोले बगाउँदा बेपत्ता भएका सात मध्ये ६ जनाको शव भेटिएको हो । एक जना अझै बेपत्ता छन् ।

आफ्नै घरभित्र पुरिएको अवस्थामा ४४ वर्षीया राममती जेठारा र उनकी १५ बर्षीया छोरी शान्ति जेठारा , ११ वर्षीय छोरा प्रयागराज जेठारा र छोरी ७ वर्षीया अस्मिताको शव निकालिएको प्रहरीले जनाएको छ । त्यस्तै ८० वर्षीय दले जेठारा र १२ बर्षीय सन्तु जेठाराको मृत्यु भएको छ । पहिरोमा पुरिएका २० बर्षीय गिरीजा जेठाराको खोजी भईरहेको छ । गाउँ माथिबाट आएको पहिरोले १८ घरमा बगाएको थियो ।

त्यस्तै पहिरोले २२ वटा भैसी , ६५ वटा बाख्रा , २४ वटा गाई गोरु समेत बगाएको छ । घटनापछि मल्लेसी गाउँ शोकमा डुबेको छ । अहिले पनि गाउँमा पहिरो बग्न रोकिएको छैन । जुईली गाड र सुङरी गाडको बीचमा रहेको उक्त गाउँसम्म सहजै पुग्न सकिएको छैन । सो गाउँमा ९० परिवारको बसोवास छ ।

HT

Leave a Reply

Your email address will not be published. Required fields are marked *