नेपाल–चीन सीमा प्रश्नमा सरकारको हतारो टिप्पणी

Spread the love

काठमाडौं । नेपाली कांग्रेसले नेपाल–चीन सीमा प्रश्नमा सरकारको हतारो टिप्पणी आएको भन्दै प्रमुख प्रतिपक्षी नेपाली कांग्रेसले आपत्ति जनाएको छ ।

पार्टी प्रवक्ता विश्वप्रकाश शर्माले बिहीबार विज्ञप्ति जारी गरी हुम्ला जिल्लास्थित नेपाल र चीनको सीमा सम्बन्धी प्रश्नमा सीमा मिचिएको हो या होइन भन्ने विषय स्थलगत अध्ययनको विवरण आउनु पूर्व नै ‘सीमा मिचिएको छैन’ भनेर परराष्ट्र मन्त्रालयले धारणा सार्वजनिक गरेकोप्रति ध्यानाकर्षण भएको जनाएका हुन् ।

सीमा सम्बन्धी गम्भीर प्रश्नमा स्थानीय प्रशासन, राजनीतिक दल र सञ्चार माध्यम समेतको ठोस अध्ययन र अवधारणाको जगमा धारणा सार्वजनिक गर्नु जिम्मेवार र परिपक्व हुने कांग्रेसको बुझाई रहेको उनले बताएका छन् ।

विज्ञप्तिमा भनिएको छ, ‘सरकारको जिल्ला स्थित संरचनाको नेतृत्वमा रहेका प्रमुख जिल्ला अधिकारी, नेपाल प्रहरी र नेपाली सेना समेतको टोलीको स्थलगत अध्ययन जारी रहँदै, स्थलगत भ्रमण पूरा गरेर सदरमुकाम फर्कनु पूर्व नै सरकारले धारणा सार्वजनिक गर्नु युक्तिसंगत देखिएन । अध्ययन टोलीले ११ नम्बर पिल्लर बुधबार मात्रै भेटेको र चीनले निर्माण गरेको संरचना १२ नम्बर पिल्लरबाट बाहिर या भित्र भनेर अध्ययन टोलीको स्थलगत अध्ययन निष्कर्ष पछि सीमा मिचिएको हो÷होइन भन्ने बारे निष्कर्षमा पुग्न सकिने स्थितिलाई सरकारले हेक्का राखेन ।’

HT

Leave a Reply

Your email address will not be published. Required fields are marked *

Next Post

पहिरोमा पुरिएर स्याङ्जामा एकैपरिवारका ९ सहित १० जनाको मृत्यु

२०७७ आश्विन ८, बिहीबार ०७:४९
Spread the loveस्याङ्जा । स्याङ्जाको वालिङमा बिहीबार बिहान गएको पहिरोमा परी एकै परिवारका ९ जनाको मृत्यु भएको छ । वालिङ नगरपालिका १४ तमादीका एकै परिवारका ९ जनाको मृत्यु भएको हो । वालिङ १४, तमागीमा परिवारकै १० जना पहिरोमा बेपत्ता भएकोमा ९ जनाको शव फेला परेको छ भने एक जनाको जीवितै […]

समाचार छुट्याे की?