काठमाडौँ – बागमती प्रदेशभित्र सार्वजनिक सवारीको भाडादर बढेको छ । प्रदेश सरकारले बढाएको भाडा दर आजदेखि लागू भएको हो । बढेको भाडा दर लागू भएसँगै अब काठमाडौँमा गाडी चढ्ने वित्तिकै यात्रुले १८ रुपैयाँ तिर्नुपर्ने भएको छ ।
बागमती प्रदेश भौतिक पूर्वाधार विकास मन्त्रालयले गरेको निर्णय अनुसार पाँच किलोमिटर यात्रा गर्ने यात्रुले पनि १८ रुपैयाँ भाडा तिर्नुपर्नेछ । त्यस्तै १० किलोमिटरसम्म यात्रा गर्ने यात्रुले २३ रुपैयाँ, १५ किलोमिटरसम्मको यात्रा गर्नेले २७ रुपैयाँ, २९ किलोमिटरसम्मको यात्रा गर्नेले ३० र २० किलोमिटरभन्दा धेरै दुरीको यात्रा गर्नेले ३५ रुपैयाँ तिर्नुपर्नेछ । यो प्रदेशभित्र लामो दुरीको पनि हवाई भाडा बढेको छ ।
