• Fri. Oct 23rd, 2020

हिमालयन ट्रिबुन

चाखलाग्दा खबर, विश्लेषणात्मक बिचार

४९ कोरोना संक्रमित मध्ये १२ जना निको भई अस्पतालबाट डिस्चार्ज

ByHT

Apr 25, 2020
Spread the love

काठमाडौं । नेपालका १२ जना कोरोना संक्रमित पूर्णरुपमा स्वास्थ्यलाभ गरि अस्पतालबाट डिस्चार्ज भएका छन् । शनिबार स्वास्थ्य मन्त्रालयको नियमित पत्रकार सम्मेलनमा प्रवक्ता डा. विकास देवकोटाले ४९ संक्रमित मध्ये १२ जना निको भई डिस्चार्ज भएका जानकारी दिएका हुन् ।

प्रवक्ता देवकोटाले पिसिआर बिधिबाट अहिलेसम्म ९ हजार ६ सय ६६ जनाको परीक्षण गरिएको र अन्यको र्यापीड टेष्ट गरिएको जानकारी दिए । त्यस्तै पछिल्लो २४ घण्टामा १९ सय ५४ जनाको परीक्षण गरिएको छ । अहिले मुलुकभर क्वारेन्टाइनमा १४ हजार ७ सय ३१ जना र आइसोलेशनमा ८७ जना रहेका छन् भने रेड जोनमा २ सय ९० जना रहेका छन् । चितवनमा भरतपुरमा उपचार गरिरहेका एक पुरुष पनि पूर्ण रुपमा स्वस्थ भइ शनिबार डिष्चार्ज भएको प्रवक्ता देवकोटाले जानकारी दिए ।

HT