आप्रवासीमाथि अस्थायी प्रतिबन्ध लगाउने अमेरिकी राष्ट्रपति ट्रम्पको घोषणा

Spread the love

अमेरिकी राष्ट्रपति डोनाल्ड ट्रम्पले अर्को आदेश जारी नभएसम्मका लागि अमेरिका आप्रवासमा रोक लगाउने घोषणा गरेका छन् । ट्वीट गर्दै राष्ट्रपति ट्रम्पले आप्रवासी नागरिकमाथि अस्थायी रुपमा प्रतिबन्ध लगाउने तात्कालिक आदेशमा छिट्टै हस्ताक्षर गर्ने बताएका छन् ।

कोरोना भाइरसको संकटका कारण अमेरिकामा सीर्जित बेरोजगारीलगायतका आर्थिक समस्याका कारण ट्रम्पले यस्तो कदम चाल्न लागेका हुन् ।

ट्रम्पले ट्वीटमा भनेका छन्, ‘अदृश्य दुश्मनको आक्रमणका कारण असहज अवस्था सिर्जना भएको मध्यनजर गर्दै र हाम्रा महान नागरिकको जागिर बचाउनका लागि अमेरिकामा बाहिरका नागरिकको बसोबासमाथि रोक लगाउने अस्थायी कार्यकारी आदेशमाथि हस्ताक्षर गर्दैछु।’

यतिबेला अमेरिका कोरोना भाइरसको महामारीका कारण आक्रान्त छ। लाखौं अमेरिकी नागरिक बेरोजगार भएका छन् भने अमेरिकी अर्थतन्त्रमा ठूलो धक्का पुगेको छ । अमेरिकामा मंगलबार बिहानसम्म कोरोना भाइरसको संक्रमणबाट मृत्यु हुनेको संख्या ४२ हजार ३ सय ३५ जनाको मृत्यु भएको छ भने ७ लाख ८७ हजार भन्दा बढी संक्रमित भएका छन् ।

HT

Leave a Reply

Your email address will not be published. Required fields are marked *

Next Post

अध्यादेश जारी गर्ने सरकारको कदमको प्रतिवाद गर्ने कांग्रेस पदाधिकारी बैठकको निर्णय

२०७७ बैशाख ९, मंगलवार ०५:५१
Spread the loveकाठमाडौं । नेपाली कांग्रेसले कोरोनाको संक्रमणकाविरुद्ध सिंगो देश एक ढिक्का रहेर लडिरहेको र अझ शसक्त भएर लड्नुपर्ने बेला संविधानको मर्म र भावना विपरीत अधिनायकवादी सोचका साथ सरकारले अध्यादेश ल्याएको भन्दै खेद व्यक्त गरेको छ । मंगलबार बिहान बसेको पार्टी पदाधिकारी बैठकले बैठकले जनताको जीवनप्रतिको उदासिन ब्यवहार र लोकतान्त्रिक […]