• Wed. Oct 28th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

कतारमा रहेका नेपालीकाबारेमा चिन्ता नलिन कतारी प्रधानमन्त्रीको आग्रह

ByHT

Apr 23, 2020
Spread the love

काठमाडौं । प्रधानमन्त्री केपी शर्मा ओलीले कतारका प्रधानमन्त्रीलाई टेलिफोन गरी त्यहाँ रहेका नेपालीको अवस्थाकाबारेमा जानकारी लिएका छन् । बिहीबार साँझ कतारका प्रधानमन्त्री शेख खालिद विन खालिफा अब्दुल अजिज अल थानीसँग त्यहाँ रहेका नेपालीको सुरक्षा र कल्याणका बारेमा चासो राखेका हुन् ।

त्यसक्रममा कतारका प्रधानमन्त्रीले त्यहाँ रहेका नेपालीको बारेमा चिन्ता नलिन आग्रह गरेका प्रधानमन्त्री ओलीले जानकारी दिएका छन् । त्यस्तै उनलाई आफूले त्यहाँ विभिन्न आरोपमा गिरफ्तार १७ नेपालीको रिहाईप्रति खुशी व्यक्त गर्दै धन्यवाद दिएको प्रधानमन्त्रीले उल्लेख गरेका छन् । कतारमा हजारौं नेपाली कार्यरत छन् । कोरोना भाइरसका कारण गरिएको लकडाउनका कारण उनीहरु समस्यामा परेका छन् ।

HT