• Tue. Oct 27th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

भारतले लिपुलेक हुँदै मानसरोवर जोड्न सडक निर्माण गरेकोप्रति कांग्रेसद्वारा सरकारको धारणा माग

ByHT

May 8, 2020
Spread the love

काठमाडौं । नेपाली कांग्रेसले चीनको मानसरोवर जोड्न भारत सरकारले लिपुलेक हुँदै सडक उद्घाटन गरेको प्रति सरकारको धारणा माग गरेको छ । पार्टी प्रवक्ता विश्वप्रकाश शर्माले शुक्रबार ट्वीट गर्दै यसबारे नेपाल सरकारको धारणा माग गरेका हुन् । उनले नेपाली भुभागहरु बारे उच्चस्तरीय कुटनैतिक पहलमार्फत दीर्घकालीन समाधान खोज्न सरकारको ध्यानाकर्षण गराएका छन् ।

उनले लेखेका छन्, ‘लिपुलेक नेपालको भुमि हो, हामी प्रष्ट छौं । चीनको मानसरोवर जोड्न भारत सरकारले लिपुलेक हुँदै सडक उद्घाटन गरेको समाचार बारे नेपाल सरकारको धारणा चाहन्छौं ! नेपाली भुभागहरु बारे उच्चस्तरीय कुटनैतिक पहल मार्फत दीर्घकालीन समाधान खोज्न, सरकारको दायित्व पुनः स्मरण गराउंदछौं !’

भारतले नेपाली भूमि लिपुलेक हुँदै चीनको तिब्बतमा रहेको धार्मिकस्थल मानसरोवर जाने सडक मार्ग शुक्रबार उद्घाटन गरेको छ । नेपाली पक्षसँग कुनै सल्लाह नगरी निर्माण गरिएको उक्त सडकको शुक्रबार भारतका रक्षामन्त्री राजनाथ सिंहले दिल्लीबाट भिडियो कन्फरेन्समार्फत उद्घाटन गरेका हुन् । भारतले २०१९ को नोभेम्बरमा नयाँ राजनीतिक नक्सा जारी गर्दै नेपाली भूमि मिचेपछि उत्पन्न समस्या कूटनीतिक माध्यममार्फत समाधान नभइरहेको अवस्थामा फेरि नेपाली भूमिमै चीनसँग सीमा जोड्ने नाकासम्म सडक मार्ग निर्माण गरेपछि समस्या उत्पन्न भएको छ ।

HT

Leave a Reply

Your email address will not be published. Required fields are marked *