• Sat. Oct 31st, 2020

हिमालयन ट्रिबुन

चाखलाग्दा खबर, विश्लेषणात्मक बिचार

कांग्रेसले भन्यो- सरकारले गम्भीर कुटनैतिक पहलकदमीमार्फत सीमा विवादको समाधान खोज्न प्रक्रिया थालनी गरोस्

ByHT

May 10, 2020
Spread the love

काठमाडौं । नेपाली कांग्रेसले लिपुलेक, लिम्पियाधुरा र कालापानी लगायतका भू–भागमा देखिएका सीमा विवादको कुटनैतिक माध्यमबाट समाधान खोज्न सरकारलाई आग्रह गरेको छ । सभापति शेरबहादुर देउवाले आइतबार विज्ञप्ति जारी गरी केवल वक्तव्य बाजी गरेर मात्र नभई कुटनीतिक माध्यमबाट समस्याको समाधान खोज्न आग्रह गरेका हुन् ।

विज्ञप्तिमा भनिएको छ, ‘नक्सा प्रकरणमा पनि सरकारको भूमिका केवल वक्तव्यमा सिमित रहनु र अहिले फेरि त्यही प्रवृत्ति दोहरिनु दुःखद छ । राष्ट्रवादको प्रश्न केवल वक्तव्यको बिषय होइन, यो परिणाममुखी हुनुपर्दछ भन्ने कुरामा नेपाली कांग्रेस विगत देखिनै निरन्तर प्रष्ट छ । नेपालको भू–भागमा नेपालको अधिकार र स्वामित्व रहने र निर्विवाद ढंगले रहनु पर्ने विषयमा सरकारले गम्भीर कुटनैतिक पहलकदमी मार्फत समाधान खोज्न प्रक्रिया थालनी गरोस्, राष्ट्रियताको प्रश्नमा नेपाली कांग्रेसको सम्पूर्ण साथ सरकारको साथमा रहनेछ ।’

HT

Leave a Reply

Your email address will not be published. Required fields are marked *