गगन थापाको कविता ‘म त भाग्यमानी’

Spread the love

काठमाडौं । नेपाली कांग्रेसका सांसद गगन थापाले कवितामार्फत केपी शर्मा ओलीको आलोचना गरेका छन् । सोमबारको प्रतिनिधिसभा बैठकको शून्य समयमा बोल्दै थापाले बाल कवितामार्फत प्रधानमन्त्रीको आलोचना गरेका हुन् । उनले भारतले नेपाली भूमि अतिक्रमण गरेको, कोरोनाका कारण विदेशमा अलपत्र परका नेपालीको पीडा अनुभव नगरेको भन्दै आलोचना गरेका हुन् ।
यस्तो छ गगन थापाले संसदमा वाचन गरेको कविता

म त भाग्यमानी
छैन यहाँ देशको नक्सा मेटिएको
न त लिपुलेकलाई डोजरले रेटिएको

यस्तो सबल सरकार छ सीमा कसले मिच्ने
कोही छैनन जोरी खोज्ने को ही छैन्न हेप्ने

सयौं कोस हिँड्दा पनि श्रमिक छैनन् आहात
गरीबलाई सम्मान छ गरीबलाई राहात

विदेशमा कोही पनि अलपत्र छैनन्
दुःख पीडा सुनाउने ती नेपाली नै होइनन् ।

जनताको व्यथालाई ध्यान दिएर सुन्ने
कृषक साना व्यापारीको सारै मर्म बुझ्ने

भ्रष्टाचारलाई नसहने सरकारको छ नी
हावादारी हल्ला हुन ओम्नी र यती

सबैतिर वाह वाह यस्तो विकास देख्दा
पत्रकार नी दंग छन् यी समाचार लेख्दा

कोमल हृदयका प्रधानमन्त्री आँसु कवि हाम्रा
दिन नविराई सिर्जना छ, आहा कति राम्रा

राहत खोज्दै आउनेलाई तिनै गीत दिउँला
गीत कविता भट्याउँदै कालापानी जाउँला

सारा नेपाल हाँसेको छ मेची काली गाउँछ ।
आँसु आए बरु त्यही गीतले आउँछ ।

यस्तो नायक गजबका ल्यायौँ जानी जानी
ओहो हामी नेपाली त सारै भाग्यमानी  !!
आ हो साह्रै भाग्यमानी

म त भाग्यमानी ।

HT

Leave a Reply

Your email address will not be published. Required fields are marked *

Next Post

संक्रमित बढेपछि कपिलवस्तु जिल्ला जेठ ५ गतेसम्म सिल गरिने

२०७७ बैशाख २९, सोमबार १३:४१
Spread the loveतौलिहवा । जिल्लामा कोरोना संक्रमितको संख्या बढेपिछ कपिलवस्तु जिल्लालाई सिल गरिएको छ । स्थानीय प्रशासन ऐन २०२८ को दफा ६ (३) र संक्रामक रोग ऐन २०२०को दफा २ (१) बमोजिम वैशाख २९ गते साँझ ५ गतेदेखि जेठ ५ गते मध्यरातसम्म जिल्लालाई सिल गर्ने निर्णय गरेको प्रमुख जिल्ला अधिकारी […]

समाचार छुट्याे की?