• Mon. Nov 23rd, 2020

हिमालयन ट्रिबुन

चाखलाग्दा खबर, विश्लेषणात्मक बिचार

हङ्‌कङको संसद्‌मा चिनियाँ राष्ट्रगानबारे विवाद

ByHT

May 18, 2020
Spread the love

चिनियाँ राष्ट्रगानसम्बन्धी एउटा प्रस्तावित कानुनबारे विवाद उत्पन्न भएपछि हङ्कङको संसदमा झडप भएको छ । त्यसक्रममा केही प्रजातन्त्रवादी सांसदहरूलाई घिसारेर बाहिर निकालिएको छ । प्रस्तावित कानुनमा चिनियाँ राष्ट्रगानको अनादरलाई अपराध मानिने प्रावधान छ । उक्त अध्यादेशलाई प्रभावित पार्न सक्ने एउटा संसदीय समितिको नेतृत्वबारे सांसदहरूबीच विवाद भएको थियो ।

संसद्बाट बाहिर निकालिएका एक सांसद एडी चुले यदि हङ्कङमा प्रजातन्त्र भएको भए आफूहरुले झगडा गर्नुपर्ने अवस्था नआउने बताए । संसद्मा भएको तनावले हङ्कङभित्र विद्यमान विभाजनको सङ्केत गर्छ । कोरोनाभाइरस महामारी फैलिएपछि गत वर्ष सुरु भएको सडक आन्दोलन मत्थर भएको थियो। तर पुनः विरोध प्रदर्शन सुरु हुने अपेक्षा गरिएको छ । हङ्कङको संसद्मा यसअघि पनि भिडन्त भएको थियो ।

अध्यादेशहरू हेर्ने र तीबारे निर्णय गर्न मतदानको मिति तोक्ने संसदीय समितिको नेतृत्वको विषयमा मतभेद थियो । गत साता संसद्का अध्यक्ष चीनपक्षधर सांसद चान किन पोरलाई उक्त समितिको नेतृत्व छान्नका लागि निर्वाचन गराउन जिम्मेवारी दिएका थिए । सोमवार संसद् बस्नुअघि चान २० जनाभन्दा बढी सुरक्षाकर्मी वरिपरि राखेर अध्यक्षको आसनमा बसेका थिए ।

प्रजातन्त्रवादी सांसदहरूले उनीतिर जान खोज्दा सुरक्षाकर्मीले रोके । विरोध गर्ने सांसदलाई सुरक्षकर्मीले कम्बलले छोप्न खोजेपछि अरू सांसदहरू आफ्नो आसनबाट चिच्याए । केही मिनेट भएको तनावमा एक जना भुइँमा लडेर घाइते भए । अधिकांश प्रजातन्त्रवादी सांसदहरू बाहिर गएपछि वा निकालिएपछि बेइजिङलाई समर्थन गर्ने स्टारी लीलाई उक्त समितिको अध्यक्ष निर्वाचित गरियो ।

विपक्षीहरू यसबाट उक्त कानुन पारित गर्न सजिलो भएको ठान्छन् । संसदीय समितिले महिनौँदेखि नेतृत्व चयन गर्न सकेको थिएन । ल्यामा अनुसार संसद्मा भएको घटनाले चीनले हङ्कङलाई कसरी आफ्नो प्रभावभित्र राख्न खोजेछ भन्ने देखाउँछ । गत वर्ष सुपर्दगीसम्बन्धी एउटा प्रस्तावित कानुनका कारण हङ्कङमा चर्को विरोध र लामो आन्दोलन भएको थियो।

HT

Leave a Reply

Your email address will not be published. Required fields are marked *