• Thu. Oct 29th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

नेपालको आर्थिक बृद्धिदर २.३ प्रतिशत हुने

ByHT

May 26, 2020
Spread the love

काठमाडौं । सरकारले संघीय संसदमा आर्थिक वर्ष २०७६/७७ को आर्थिक सर्वेक्षण’ पेश गरेको छ । प्रतिनिधिसभाको मंगलबारको बैठकमा अर्थमन्त्री डा युवराज खतिवडाले चालू आर्थिक वर्षको आर्थिक सर्वेक्षण पेश गरेका हुन् । त्यसक्रममा खतिवडाले कोरोना भाइरसको कारण आर्थिक परिसूचकमा ठूलो चाप परेको बताएका छन् ।

चालु बर्षको ८ महिनाको आर्थिक अवस्था, नीति कार्यान्वयन र विकासका बारेमा जानकारी गराउँदै उहाले कोभिड १९ का कारण देशको सम्पूर्ण आर्थिक गतिविधि र त्यसले देशको आर्थिक वृद्धिदर पनि खुम्चिएको बताए ।

उनले चालु आर्थिक वर्षमा नेपालको आर्थिक बृद्धिदर २.३ प्रतिशत हुने बताए । यसअघि केन्द्रीय तथ्यांक विभागले चालु आर्थिक वर्षमा २.२७ प्रतिशत हुने प्रक्षेपण गरेको थियो । सरकारले चालु आर्थिक वर्षको बजेटले आर्थिक वृद्धिदर ८.५५ को लक्ष्य राखेको थियो ।

नेपालीको प्रतिव्यक्ति आय १ हजार ८५ अमेरिकी डलर रहेको, सरकारले तिर्न बाँकी सार्वजनिक ऋण ११ खर्ब ३९ अर्ब रुपैयाँ रहेको उनले जानकारी दिए । यस्तै, कुल लगानी ३.४ प्रतिशतले घटेको उनको भनाई छ ।

देशमा १८.७ प्रतिशत रहेको निरपेक्ष गरिवी यसपाली १६.६७ प्रतिशत अनुमान गरिएको बताए । सरकारले विभिन्न क्षेत्रमा तीव्रताका साथ काम गरेको बताउँदै देशभर २३ हजार ३ सय ३४ किलोमिटर लामो सडक निर्माण गरेको बताए । यस्तै, ९० प्रतिशत खानेपानी र सतप्रतिशत मानिस स्वास्थ्य सेवाको पहुँचमा पुगेको उनको भनाई थियो ।

HT

Leave a Reply

Your email address will not be published. Required fields are marked *