गम्भीर समस्यामा रहेका २५ हजार नागरिक पहिलो चरणमा स्वदेश फर्काउने सरकारको तयारी

Spread the love

काठमाडौं । कोरोना नियन्त्रण तथा रोकथाम उच्चस्तरीय समन्वय समितिले विदेशमा रहेका नागरिकलाई स्वदेश फर्काउने सम्बन्धी कार्ययोजना पारित गरेको छ । शुक्रबार बसेको समितिको बैठकले तेश्रो मुलुकमा समस्यामा परेका नेपालीहरुलाई स्वदेश फर्काउने गरि कार्ययोजना पारित गरेको हो ।

विभिन्न देशमा रहेका नागरिकहरु जो स्वदेश फर्किन चाहन्छन् उनीहरुको विवरण परराष्ट्र मन्त्रालयले बढीमा १० दिनभित्र संकलन गरेर सूची तयार पार्ने प्रधानमन्त्री कार्यालयका सचिव नारायणप्रसाद बिडारीले जानकारी दिए । यसअघिको मन्त्रिपिरिषद बैठकले यसअघिनै भारत लगायत तेस्रो मुलुकमा लकडाउनका कारण अलपत्र परेका नागरिक फिर्ता ल्याउने नीतिगत निर्णय गरिसकेको छ ।

अब सोही कार्ययोजना अनुसार सम्बन्धित गन्तव्य मुलुक र राजदूतावाससँग समन्वय गरी तत्कालै गम्भीर समस्यामा रहेका २५ हजार नागरिक पहिलो चरणमा स्वदेश फर्काइने भएको तयारी भएको छ । सरकारले पहिलो चरणमा विदेशमा उपचार गर्न गएका, विदेशमा रोकिएर काजकिरिया गर्न नपाएका, कार्यक्षेत्रबाट निकालिएर अलपत्र हालतमा रहेका नागरिकलाई प्राथमिकतामा राखेको छ ।

त्यस्तै नेपाल भारतसीमाबाट नेपाली भित्राउन त्यसको व्यस्थापन छिटो गर्ने निर्णय बैठकले गरेको छ । कतिपय श्रम गन्तव्य मुलुकले नेपाली नागरिकलाई आफैंले विमान चार्टर्ड गरेर फिर्ता पठाउने प्रस्तावसमेत पठाएका छन् तर नेपालले आफ्नै देशको बिमान कम्पनीहरुलाई प्राथमिकतामा राखेर उडान भर्ने र त्यसैबाट स्वदेश फर्काउने प्रवक्ता बिडारीले जानकारी दिए ।

त्यस्तै बैठकमा लकडाउनका बारेमा पनि छलफल भएको थियो । प्रवक्ता बिडारीले लकडाउनका बारेमा कुनै निर्णय नभएको र लकडाउनलाई कडाईका साथ कार्यान्वयन गर्ने बताए ।

HT

Leave a Reply

Your email address will not be published. Required fields are marked *

Next Post

कोरोना संकटले ठूलो आकारको बजेट ल्याउन सकिएनः अर्थमन्त्री

२०७७ जेष्ठ १६, शुक्रबार १२:२०
Spread the loveकाठमाडौं । अर्थमन्त्री डा. युवराज खतिवडाले कोरोना महामारीले ल्याएको संकटको अवस्थाका कारण ठूलो आकारको बजेट ल्याउन नसकिएको स्पष्ट पारेका छन् । शुक्रबार अर्थ मन्त्रालयमा भएको बजेट अन्तरक्रियामा अर्थमन्त्री खतिवडाले चालू आर्थिक वर्षको तुलनामा आगामी वर्षको बजेट करिब ४ प्रतिशत कम आकारको ल्याएको बताए । आफूले निकै संयमता अपनाएर […]