प्रधानमन्त्रीको दम्भले यो हालत भोः सांसद देव

Spread the love

काठमाडौं । सांसदहरुले लामो समयसम्मको बन्दाबन्दीले मुलुकको जनजीवन प्रभावित हुनाका साथै समग्र अर्थतन्त्रमा नकारात्मक असर परेको जनाउँदै त्यसको स्वरुप परिवर्तन गर्न सरकारको ध्यानाकर्षण गराएका छन् । राष्ट्रियसभाको शुक्रबारको बैठकको बिशेष समयमा सांसदले बन्दाबन्दीको हालको रणनीति बदलेर प्रभावित र कम प्रभावित क्षेत्रको किटान गरी आर्थिक गतिविधि बढाउन आग्रह गरे । सांसद जीतेन्द्रनारायण देवले कोभिड–१९ र आर्थिक महामारीले देशलाई सङ्कटतर्फ धकेलेकाले बन्दाबन्दीको स्वरुप परिवर्तन गरी अर्थतन्त्रलाई चलायमान बनाइनुपर्ने बताए ।

उनले नेपालजस्तो विकासोन्मुख मुलुक आर्थिक सङ्कटमा जाने खतरा बढेकाले सरकारले प्रतिपक्षीलाई समेत विश्वासमा लिएर परिस्थितिको सामना गर्न साझा सङ्कल्पका साथ अघि बढ्नुपर्नेमा जोड दिए । देशका कतिपय क्वारेन्टिन सङ्क्रमणको स्रोत बन्ने खतरा बढेको उदाहरण प्रस्तुत गर्दै उनले त्यसलाई व्यवस्थित बनाई पिसिआर परीक्षणको दायरा बढाउन आग्रह गरे ।

उनले कोरोनासँग जुझ्न सर्वदलीय संयन्त्र गठन गर्न प्रचण्डको प्रस्ताव प्रधानमन्त्रीको नमान्दा अहिले यो अवस्था सृजना भएको बताए । सरकारले यस्तो दम्भ नगरी पहिलेदेखि नै पूर्वसुरक्षात्मक उपाय अपनाएको भए यस्तो अवस्था नहुने बताए ।

सांसद गोपीबहादुर अछामीले कोभिड–१९ को महामारीले नागरिकको स्वास्थ्यमा जटिलता र अर्थतन्त्रमा ठूलो सङ्कट पैदा भएको दृष्टान्त प्रस्तुत गर्दै यसको सामना गर्न हालको बन्दाबन्दीको स्वरुप परिवर्तन गरेर आर्थिक गतिविधि क्रमशः बढाइनुपर्ने बताए । सांसद भगवती न्यौपानेले लामो बन्दाबन्दीले काम गर्न नपाउने र मानिसको जनजीवन थप कष्टकर हुने अवस्था आएकाले बन्दाबन्दीको रणनीति परिवर्तन गरी जनजीवन सहज बनाउन माग गरिन् ।

सांसदहरुले रुकुम(पश्चिम) घटना अमानवीयताको पराकाष्ठा भएको जनाउँदै घटनाको निष्पक्ष छानबिन गरी दोषीलाई कानूनी कारवाहीको माग गरेका थिए । बैठकले ‘स्टाण्डर्ड नाम र तौल (पाँचौँ संशोधन) विधेयक, २०७६ माथि विचार गरियोस्’ भन्ने प्रस्ताव स्वीकृत गरेको छ । यस्तै बैठकमा ‘बिरुवा संरक्षण (पहिलो संशोधन) विधेयक, २०७५’ सम्बन्धी समितिको प्रतिवेदन पेश भएको छ ।

HT

Leave a Reply

Your email address will not be published. Required fields are marked *

Next Post

रुकुम पश्चिममा भएको हत्याबारे छानबिन गर्न संसदीय समिति गठन हुने

२०७७ जेष्ठ २३, शुक्रबार १६:१९
Spread the loveकाठमाडौँ । सभामुख अग्निप्रसाद सापकोटाले रुकुम पश्चिममा भएको हत्याबारे छानबिन गर्न संसदीय समिति गठन हुने बताएका छन् । प्रतिनिधिसभाको शुक्रबारको बैठकमा सभामुख सापकोटाले घटनाको छानबिन गर्न संसदीय छानबिन समिति गठन हुने बताएका हुन् । कांग्रेसकी सचेतक पुष्पा भुसालले शुक्रबार पनि सरकारी समितिमा संसदले विश्वास गर्न नसक्ने भन्दै संसदीय […]

समाचार छुट्याे की?