• Sun. Nov 29th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

सरिता गिरीलाई संसद सदस्यबाट फिर्ता बोलाउन राष्ट्रिय युवा संघको एक हप्ताको अल्टिमेटम

ByHT

Jun 10, 2020
Spread the love

काठमाडौं । राष्ट्रिय युवा संघ नेपालले सरिता गिरीलाई संसद सदस्यबाट अबिलम्ब फिर्ता बोलाउन सम्बन्धित राजनीतिक दललाई आग्रह गरेको छ । संघका संयोजक रामप्रसाद सापकोटा र सहसंयोजक रमेश पौडेलले बुधबार संयुक्तरुपमा विज्ञप्ति जारी गरी गिरीले नेपालको सार्वभौम सत्ता, अखण्डता र राष्ट्रिय एकताको विरुद्धमा सार्वभौभ संसद लगायत सार्वजनिक संचार माध्यममा दिएको अभिव्यक्ति दिएको भन्दै फिर्ता बोलाउन माग गरेका हुन् ।

संघले गिरीले जनप्रतिनिधिको हैसियतले नेपाली जनताको प्रतिनिधित्व गर्ने संवैधानिक र नैतिक हैसियत निज स्वयमले च्युत गर्नु भएकोे ठहर रहेको उल्लेख गरेको छ । त्यसैगरि यस्तो गैरआचरण र कार्य गर्नेलाई कानून बमोजिम कारवाही गर्न पनि संघले माग गरेको छ ।

संघको विज्ञप्तिमा भनिएको छ, ‘निजका विरुद्धमा संघीय संसद सचिवालय र जनता समाजवादी पार्टीले एकहप्ताभित्र आवश्यक कानूनी कारवाही अघि नबढाए यो विषयलाई हाम्रो संगठनले गम्भीरतापूर्वक लिने व्यहोरा समेत यसै वक्तव्य मार्फत स्पष्ट गर्न चाहान्छौ । त्यसवाट उत्पन्न हुने परिस्थितिको जिम्मेवार स्वयम निज सरिता गिरी र सम्वन्धित दल हुने व्यहोरा समेत अग्रीम जानकारी गराउन चाहान्छौं।’

HT

Leave a Reply

Your email address will not be published. Required fields are marked *