कुवेतबाट तीन सय ६ जना नेपाली महिलाको उद्धार

Spread the love

काठमाडौं । कुवेतबाट ३ सय ६ जना नेपाली महिलाहरुलाई उद्धार गरि बिहीबार स्वदेश ल्याएको छ । नेपाली महिला लिएर जजिरा एयरवेजका जहाज नेपाल आएका थिए । जजिरा एयरलाइन्सको पहिलो उडानमा एकसय ५७ जना र दोश्रो उडानमार्फत १ सय ४९ जना आएका हुन् ।

नेपाल आएपछि उनीहरुलाई नेपाली सेनाले प्रदेशगत रुपमा छुट्टाइएको होल्डिङ सेन्टरमा लगेको छ । होल्डिङ सेन्टरबाट भने सम्बन्धित स्थानीय निकायले व्यवस्था गरेको क्वारेन्टाइन सेन्टरमा लैजानेछ । बिहीबार नेपाल आउनेहरु गैरकानुनी हैसियतमा कुवेत बसेर आममाफी पाएका नेपाली महिला कामदार हुन् ।

उनीहरुलाई गत अप्रिल २६ तारिखदेखि कुवेतले अस्थायी क्याम्प र डिपोर्ट सेन्टरमा राखेको थियो । सबै जनाको विमानस्थलमै स्वास्थ्य परीक्षण गरिएको थियो । नेपाल आएपछि उनीहरुले खुसी व्यक्त गरेका छन् । कोरोनाका कारण कुवेतमा रोगजारी गुम्दा निकै समस्या भएको र नेपाल आउँछु जस्तो नलागेको उनीहरुले बताए ।

नेपाल आएका केहीले अब नेपालमा नै व्यवसाय गरेर बस्ने पनि बताए । कोभिड–१९ संकट व्यवस्थापन समितिले कुवेतबाट पहिलो उडान गर्न मंगलबार अनुमति दिएको थियो ।

कुवेतले बिनाजरिवाना स्वदेश फिर्न पाउने भन्दै अस्थायी क्याम्प र डिपोर्टेसन सेन्टरमा राखेकालाई आफ्नै खर्चमा दैनिक दुईवटा चार्टर विमानमार्फत नेपाल पठाउन सरकारसमक्ष प्रस्ताव राखेको थियो । अस्थायी क्याम्प र डिपोर्टेसन सेन्टरमा २ हजार ९ सय ९१ जना छन् । तिनमा पुरुष १ हजार ६ सय ८८ र महिला १ हजार ३ सय ३ जना छन् । यी सबैलाई नेपाल पठाउन कम्तीमा २० वटा उडान गराउने कुवेतको तयारी छ ।

HT

Leave a Reply

Your email address will not be published. Required fields are marked *

Next Post

पीसीआर परीक्षण बढाउन माग गर्दै काठमाडौंमा विशाल प्रदर्शन

२०७७ जेष्ठ २९, बिहीबार ११:०५
Spread the loveकाठमाडौं । काठमाडौंको नक्सालमा सरकारको विरोधमा उत्रिएका युवाहरुको शान्तिपूर्ण प्रदर्शनमाथि प्रहरीले हस्तक्षेप गरेको छ । बिहीबार नक्साल भाटभटेनीमा जम्मा भएका प्रदर्शनकारीले पीसीआर परीक्षणलाई तीव्रता नदिइएको, आरडिटी परीक्षण पूर्ण रुपमा बन्द गर्नुपर्ने, कोरोना नियन्त्रणमा खर्च गरिएको रकमको विवरण सार्वजनिक नगरिएको तथा महामारीसँग जुझ्न सरकारले सही र पर्याप्त प्रयास नगरेको […]