कोरोना महामारीको सन्दर्भमा सरकारको अर्कमण्यताविरुद्ध कांग्रेसले विशेष ज्ञापन पत्र बुझाउने

Spread the love

काठमाडौं । कोरोना नियन्त्रण गर्न सरकारले प्रभावकारी कदम नचालेको भन्दै प्रमुख प्रतिपक्षी दल कांग्रेसले ज्ञापनपत्र बुझाउने भएको छ। असार २ गते देश र विदेशस्थित जनसम्पर्क समितिमार्फत कांग्रेसले सरकारलाई ज्ञापनपत्र बुझाउने भएको हो।  ‘कोरोना महामारीको सन्दर्भमा सरकारको गैर जिम्मेवारीपन, अकर्मण्यता, असक्षमता र भ्रष्टाचारको विरुद्धमा स्वदेश र विदेशबाट एकसाथ २०७७ असार २ गते दूरी कायम गर्दै कोरोनाका कारण विकराल बन्दै गएको परिस्थितिबारे प्रधानमन्त्रीको ध्यानाकर्षण गराउँदै विशेष ज्ञापनपत्र बुझाउने कार्यक्रम रहेको छ,’ मुख्यसचिव कृष्णप्रसाद पौडेलले जारी गरेको विज्ञप्तिमा भनिएको छ। यस कांग्रेस वरिष्ठ नेता रामचन्द्र पौडेलको नेतृत्वमा प्रधानमन्त्री केपी शर्मा ओलीलाई ज्ञापनपत्र बुझाएको थियो।

कांग्रेसको विज्ञप्तिमा भनिएको छ, ‘कोभिड १९ को महामारी रोकथाम र नियन्त्रण गर्न, यसका अल्पकालीन र दीर्घकालीन नकारात्मक प्रभाव न्यून गर्न, जनताको सरोकार र आवश्यकताका विषयलाई सम्बोधन गराउन नेपाल सरकारले तत्काल चाल्नु पर्ने कदमका सम्बन्धमा नेपाल सरकारका प्रधानमन्त्रीको ध्यानाकर्षण गराउन जेठ २६ गते बसेको केन्द्रीय कार्यसमितिको बैठकले निर्णय गरे बमोजिम पार्टीका नेता श्री रामचन्द्र पौडेलको नेतृत्वमा प्रतिनिधिमण्डलले नेपाल सरकारका प्रधानमन्त्रीलाई जेठ २८ गते ध्यानाकर्षण पत्र बुझाइ सकेको छ।’

HT

Leave a Reply

Your email address will not be published. Required fields are marked *

Next Post

अमेरिकी वायु सेना प्रमुखमा पहिलो पटक अश्वेत नागरिक

२०७७ जेष्ठ २९, बिहीबार ११:०७
Spread the loveअमेरिकी माथिल्लो सदन सिनेटले अमेरिकी वायु सेना प्रमुखको पदमा जनरल चाल्र्स ब्राउन जुनियरको नाम अनुमोदन गरेको छ । अमेरिकी वायु सेनामा नेतृत्व गर्न पाउने उनी पहिलो अश्वेत नागरिक हुन् । सिनेटमा भएको मतदानमा ब्राउनको पक्षमा ९८ तथा विपक्षमा मत परेन । सिनेट बैठकको अध्यक्षता गरेका उपराष्ट्रपति माइक पेन्सले […]