• Tue. Oct 27th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

एटलान्टाका प्रहरी प्रमुखद्वारा राजीनामा

ByHT

Jun 14, 2020
Spread the love

अमेरिकामा प्रहरी हिरासतमा अश्वेत नागरिक मारिएपछि एटलान्टाका प्रहरी प्रमुखले राजीनामा दिएका छन् । मेयर कीशा ल्यान्स बटम्सले प्रहरी प्रमुख एरिका शील्ड्सले शनिवार राजीनामा दिएको जानकारी दिइन् । एटलान्टामा ब्रुक्सको निधन भएपछि कारबाहीको माग गर्दै प्रदर्शन भएको थियो । शनिवार साँझ एटलान्टाको मुख्य राजमार्ग इन्टरस्टेट ७५ प्रदर्शनकारीहरूले बन्द गरिदिएका थिए । जोर्ज फ्लोइड प्रहरी हिरासतका क्रममा मारिएपछि गत तीन हप्तादेखि अमेरिका भर प्रदर्शनहरू हुँदै आएका छन् ।

एरिका शील्ड्स २०१६ को डिसेम्बरदेखि एटलान्टाको प्रहरी प्रमुख थिइन् र एटलान्टाको प्रहरी विभागमा २० वर्षदेखि कार्यरत थिइन् । उनी प्रहरी विभागको अन्य शाखामा कार्यरत रहने मेयर बटम्सले बताइन् । मेयर बटम्सले विज्ञप्तिमा भनेकी छन्, ‘देशभर प्रहरीमा अर्थपूर्ण सुधार कस्तो हुनुपर्छ भन्नेमा एटलान्टा नमुना बनोस् भन्ने एरिकाको चाहनाका कारण उनले प्रहरी प्रमुखबाट राजीनामा दिएकी हुन्।’

मेयर बटम्सले ब्रुक्सको मृत्युमा संलग्न प्रहरी अधिकारीलाई बर्खास्त गर्नुपर्ने बताएकी छन् । जोर्जिया ब्यूरो अफ इन्भेस्टिगेशन्स (जीबीआई)ले २७ वर्षीय ब्रुक्सको मृत्युबारे अनुसन्धान गरिरहेको छ र वेन्डीज रेस्टुरेन्टभित्र रहेको सुरक्षा क्यामेरामा रेकर्ड गरिएको भिडिओ हेरिरहेको छ । उसले प्रत्यक्षदर्शीले खिचेको भिडिओ पनि हेरिरहेको छ ।

HT

Leave a Reply

Your email address will not be published. Required fields are marked *