काठमाडौं । नवलपरासी जिल्ला (बर्दघाट सुस्ता पूर्व), देबचुली नगरपालिकाका दुई जनामा कोरोना संक्रमण पुष्टि भएको छ । देबचुली नगरपालिका स्थायी ठेगाना भई सोही पालिकाको क्वारेन्टाइनमा रहेका बर्ष २३ र ३२ का २ जना पुरुषमा कोरोना संक्रमणको पुष्टि भएको हो ।
उनीहरुलाई नवलपरासी जिल्ला (बर्दघाट सुस्ता पूर्व) को रजहरस्थित सामुदायिक प्राकृतिक चिकित्सालयको आईसोलेसन कक्षमा लैजाने तयारी भैरहेको गण्डकी स्वास्थ्य निर्देशनालयले जनाएको छ । योसँगै गण्डकी प्रदेशमा कोरोना संक्रमितको संख्या १९९ पुगेको छ ।
