• Sun. Oct 25th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

स्वतन्त्रता र असंलग्न नीतिलाई सम्मान गरेर हुने सहयोग मात्र स्वीकारः प्रचण्ड

ByHT

Jun 19, 2020
Spread the love

काठमाडौं । सामसामयिक र आगामी बाटोबारे सत्तारुढ नेपाल कम्युनिष्ट पार्टी(नेकपा) ले चिनियाँ कम्युनिष्ट पार्टी (सीपीसी)सँग शुक्रबार भिडियो परामर्श गरेको छ ।

नेकपाको स्कूल विभाग, सीपीसीको अन्तर्राष्ट्रिय विभाग र चिनियाँ कम्युनिष्ट पार्टी तिब्बत स्वशासित कमिटीद्वारा नेकपा मुख्यालय धुम्वाराहीमा आयोजित परामर्शमा पार्टी र देश सञ्चालन, भ्रष्टाचार नियन्त्रणलगायत विषयलाई लिएर छलफल भएको हो । छलफलका क्रममा दुवै पार्टीले पार्टी र देश सञ्चालनका अनुभवहरु आदनप्रदान गरिएको नेकपा स्कुल विभागका उपप्रमुख वेदुराम भुसालले जानकारी दिए ।

छलफलका क्रममा नेकपाका अध्यक्ष पुष्पकमल दाहाल प्रचण्डले नेपालको स्वतन्त्रता र असंलग्न नीतिलाई सम्मान गरेर हुने सहयोगमात्र स्वीकार गर्ने बताएका थिए । चिनियाँ राष्ट्रपति सी चिनफिङले अघि सारेको बेल्ट एन्ड रोड इनिसिएटिभ्समा नेपालले हस्ताक्षर गरेपछि दुई देशका विभिन्न तहमा भइरहेको सहकार्यप्रति उहाले खुसी व्यक्त गरेका थिए ।

चिनियाँ कम्युनिष्ट पार्टी स्थापनाको ९९ वर्ष पुगेको अवसरमा दुई देशका सत्तारुढ दलबीच पार्टी र देश सञ्चालनका बारेमा अनुभव आदानप्रदान भएको उपप्रमुख भुसालले जानकारी दिए । परामर्शमा नेकपाकातर्फबाट अध्यक्ष प्रचण्ड लगायत करिव १ सय भन्दा बढी नेताहरु सामेल थिए भने सीपीसीका तर्फबाट सीपीसीका प्रमुख नेताहरु सहभागी भएका थिए ।

HT

Leave a Reply

Your email address will not be published. Required fields are marked *