बेसारको उपयोगिताको चर्चा गर्दा मजाकमा उडाइयोः प्रधानमन्त्री

Spread the love

काठमाडौं । प्रधानमन्त्री केपी शर्मा ओलीले हिमवत् खण्ड आयुर्वेद र योगको उद्गम तथा विकासस्थल रहेको बताएका छन् । आइतबार अन्तर्राष्ट्रिय योग दिवसका अवसरमा “राष्ट्रिय योग अभ्यासक्रमको बालुवाटारस्थित एक्सन रूमबाट विमोचन गर्दै प्रधानमन्त्रीले व्यायाम, प्रणायाम र ध्यानको संयोजन नै पूर्ण योग रहेको बताएका छन् ।

रोगको उपचारभन्दा पहिले निरोगी नेपालको स्वास्थ्य नीति अवलम्बन गर्न तथा समृद्ध नेपाल, सुखी नेपालीको राष्ट्रिय आकांक्षा हासिल गर्न सरकार क्रियाशील रहेको उनले बताए । नेपालीहरूका भान्छामा अनेक औषधीय तत्वको प्रयोग गर्ने क्रम हजारौं बर्षदेखिको उपयोग र अनुभवमा आधारित रहेको प्रधानमन्त्रीले उल्लेख गरेका छन् ।

उनले बेसारको उपयोगिताको चर्चा गर्दा मजाक उडाउने, अदुवाको मजाक उडाउने र यस्ता अन्य औषधीय चिजहरूको मजाक उडाउनेहरूलाई लक्षित गर्दै सुझाव दिँदै भने, ‘आफ्नो भान्छामा केके चिज प्रयोग हुन् ? ती किन प्रयोग गरिन्छ ?’ वास्तविकता बुझेर मात्र आलोचना गर्न वा मजाक उडाउन ध्यान दिनुपर्ने समेत उनले औंल्याए ।

HT

Leave a Reply

Your email address will not be published. Required fields are marked *

Next Post

रियादबाट २४७ जना नेपाली स्वदेश फिर्ता

२०७७ असार ७, आईतवार ०७:३५
Spread the love काठमाडौं । कोरोना संक्रमणको असहज परिस्थितिका कारण एवं साउदी अरबमा आफ्नो करार अवधि पूरा गरी स्वदेश फर्किने क्रममा आइतबार राजधानी रियादबाट २४७ जना नेपाली स्वदेश फर्किएका छन् । यो उडानबाट विगत ६ महिना देखि नेपाली राजदूतावासको सेल्टरमा रहेका ४ जना महिला सहित १२ जना महिला पनि स्वदेश […]

समाचार छुट्याे की?