• Wed. Oct 21st, 2020

हिमालयन ट्रिबुन

चाखलाग्दा खबर, विश्लेषणात्मक बिचार

नेपाली कांग्रेसद्वारा प्रदेश एकको संसद बैठक अवरुद्ध

ByHT

Jun 22, 2020
Spread the love

विराटनगर । नेपाली कांग्रेसले प्रदेश एकको संसद बैठक अवरुद्ध गरेको छ । काठमाडौबाट बाहिर बस्ने नागरिकलाई काठमाडौं प्रवेशमा गरिँदै आएको रोकको विरोध र प्रदेश सरकारले संघीय सरकारसँग आफ्ना भनाइ राख्न नसकेकोलगायत विषय उठाउँदै सोमबार प्रमुख विपक्षी कांग्रेसले सदन अवरुद्ध गरेको हो ।

संसद बैठक सुरु हुनासाथ कांग्रेसका सांसदले आफ्नो स्थानबाट उठेर विरोध गरेका थिए । सभामुख प्रदीपकुमार भण्डारीले प्रमुख विपक्षीलाई समय दिएर आफ्ना कुरा राख्न आग्रह गरेपछि प्रमुख सचेतक केदार कार्कीले कांग्रेसका माग सदनमा प्रस्तुत गरेका छन् । काठमाडौं जान पर्दा नाकाबाट मानिसलाई फर्काइँदा समेत प्रदेश सरकार बोल्न नसकेको भन्दै कार्कीले आपत्ति जनाए ।

उनले अब काठमाडौंबासीलाई नाकाबन्दी गर्नुपर्ने बताए । त्यस्तै उनले प्रदेश सरकारले यसबारे जानकारी दिनुपर्ने भन्दै सरकारले पीसीआर टेस्टमा भएको खर्च सदनमा जानकारी गराउनुपर्ने माग गरे ।

HT

Leave a Reply

Your email address will not be published. Required fields are marked *