• Thu. Nov 26th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

पोखरामा कोरोना संक्रमितको शव व्यवस्थानमा स्थानीयले अवरोध गरेपछि झडप

ByHT

Jun 25, 2020
Spread the love

पोखरा । कोरोना भाईरसको संक्रमणबाट मृत्यु भएका व्यक्तिको शव गाड्न नदिन भन्दै पोखरा महानगरपालिका वडा नम्बर ३२ का स्थानीयले टायर बालेर विरोध प्रदर्शन गरेका छन् ।

कोरोनाका कारण पोखरामा मृत्यु भएका स्याङ्जा सिरुवारीका व्यक्तिको शव वडाको तल्लो गगनगौंडा क्षेत्रमा पर्ने लामतरास्थित सेती नदी किनारमा शव गाड्नका लागि डोजरले खाल्डो खन्दै गरेको स्थानीयले थाहा पाएपछि उनीहरुले उक्त घाट क्षेत्रमा जाने बाटोमा अवरोध गरी टायर बालेर विरोध प्रदर्शन गरेका हुन् । त्यसक्रममा प्रहरी र स्थानीयबीच झडप समेत भएको छ ।

आन्दोलित स्थानीयले राजमार्ग नजिकै घाटतर्फ जाने बाटो अवरोध गरी प्रदर्शन गरेपछि स्थिति तनावपूर्ण बनेको हो ।आक्रोशित भीडलाई तितरबितर गर्न प्रहरीले ८ राउन्ड हवाई फायर गरेको छ । प्रहरीले चेकपोस्टमा ढुंगामुढा भएपछि हवाई फायर गर्नुपरेको बताएको छ । ढुंगामुढा गर्ने ८ जनालाई प्रहरीले नियन्त्रणमा लिएको छ ।

पश्चिमाञ्चल क्षेत्रीय अस्पताल पोखरामा उपचारका क्रममा स्याङ्जा सिरुवारीका ५५ वर्षीय पुरूषको बुधबार राति निधन भएको थियो ।

फोटोः लेखनाथखबर डटकमबाट

HT

Leave a Reply

Your email address will not be published. Required fields are marked *