• Fri. Oct 30th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

१४ बुँदे माग पूरा नभए आन्दोलनमा उत्रिने होटल व्यवसायी महासंघको चेतावनी

ByHT

Jun 25, 2020
Spread the love

काठमाडौं । होटल व्यवासायीहरुले १४ बुँदे माग राख्दै माग पूरा नभए आन्दोलन गर्ने चेतावनी दिएका छन् । साना होटल व्यवसायीहरुको छाता संगठन होटल व्यवसायी महासंघले १४ बुँदे माग राख्दै तत्काल सम्बोधन नगरे आन्दोलन गर्ने चेतावनी दिएको हो । कोरोना भाइरसको महामारीका कारण सबै होटल बन्द भएका तर सरकारले साना होटललाई बेवास्ता गरेको भन्दै महासंघले विभिन्न १४ बुँदे माग राख्दै तत्काल पूरा गर्न सरकारसँग माग गरेको हो ।

बिहीबार काठमाडौंमा आयोजित पत्रकार सम्मेलनमा महासंघका अध्यक्ष हिराध्वज शाहले माग सम्बोधन नभए आन्दोलन गर्ने चेतावनी दिए । उनले यस्तो विषम परिस्थितिमा सरकारले ठूला तारे होटल र साना होटलहरु बीच विभेद गरेको भन्दै साना होटलहरुले विदेशबाट आउने नागरिकलाई १४ दिनसम्म क्वारेन्टाइनमा राख्न बिना शुल्क होटल दिन तयार रहँदा समेत तारे होटलमा महँगो शुल्क तिर्न बाध्य पारिएको बताए ।

उनले विदेशबाट आउने नागरिकको इच्छा अनुसार सस्तो दरका होटलमा क्वारेन्टाइन बस्न पाउने गरी व्यवस्थापन गर्नसमेत माग गरेका छन् । महासंघले घरभाडामा ५० प्रतिशत छुट, घरभाडा छुट दिने घरधनीको बैंक ऋणको ब्याजमा सहुलियत, बिजुली पानीको महशुलमा १ वर्षसम्म छुट दिनुपर्ने, टेलिफोन, इन्टरनेटमा विशेष सहुलियत दिनुपर्ने, एकवर्षको व्यवसाय कर तथा राजश्वमा छुट गर्नुपर्ने, बैंकको ऋण र ब्याज भुक्तानी गर्ने अवधि २ वर्ष थप्न माग गरेका छन् ।

HT

Leave a Reply

Your email address will not be published. Required fields are marked *