• Wed. Nov 25th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

बाँकेबाट २३ जना कोरोना संक्रमित निको भई डिस्चार्ज

ByHT

Jun 27, 2020
Spread the love

बाँके । बाँकेका विभिन्न आइसोलेसन अस्पताल र सेन्टरहरुबाट शनिवार बाँके र बर्दियाका थप २३ जना सङ्क्रमितहरु निको भएर डिस्चार्ज भएका छन् । डिस्चार्ज हुने मध्ये १८ जना बाँकेका र ५ जना बर्दियाका छन् । स्वास्थ्य कार्यालय बाँकेका कोरोना फोकल पर्सन नरेश श्रेष्ठका अनुसार शनिबार नेपालगञ्जस्थित आइसोलेसन सेन्टरबाट १२ जना, खजुरा क्यान्सर आइसोलेसन अस्पतालबाट २ जना, आइसोलेसन सेन्टर खजुराबाट चारजना गरी १८ जना सङ्क्रमित निको भएर घर फर्किएका छन् ।

त्यस्तै बाँकेको आइसोलेसनमा रहेका बर्दियाका ५ जना पनि निको भएर घर फर्किएका उनले जानकारी दिए । बाँकेमा ३५२ जनामा कोरोना संक्रमण पुष्टि भएकोमा हालसम्म ३०२ जना निको भएर घर फर्किसकेका छन् भने ४८ जना अझै विभिन्न आइसोलेसनमा रहेका स्वास्थ्य कार्यालय बाँकेले जनाएको छ । बाँकेका २ जनाको उपचारकै क्रममा मृत्यु समेत भएको थियो ।

HT

Leave a Reply

Your email address will not be published. Required fields are marked *