• Wed. Nov 25th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

भारत हुँदै तराईका जिल्लामा सलह प्रवेश

ByHT

Jun 27, 2020
Spread the love

काठमाडौँ । सलह जस्तै देखिने फट्याङ्ग्रा तराईका केही जिल्लामा भेटिएपछि कृषि तथा पशुपंछी विकास मन्त्रालयले प्राविधिक टोली खटाएर अध्ययन शुरु गरेको छ । मन्त्रालयका प्रवक्ता डा. हरिबहादुर केसीले बारा पर्सालगायत जिल्लाबाट सलहजस्तै फट्याङ्ग्रा देखापरेको भन्ने कृषकबाट रिपोर्ट आएपछि मन्त्रालयबाट चार जना प्राविधिकको टोली त्यस क्षेत्रमा पठाएको जानकारी दिए ।

टोलीको प्रतिवेदन आएपछि त्यो सलह हो होइन आधिकारिक रुपमा सार्वजनिक गरिने बताएका छन् । यस्तै, प्रदेश २ को भूमि व्यवस्था, कृषि सहकारी मन्त्रालयले पनि पनि किसानबाट सहलजस्तै कीरा फट्याङ्ग्रा देखापरेको खबर गेरपछि मन्त्रालयले प्राविधिक टोली त्यसतर्फ पठाएको जनाएको छ ।

अफ्रिकी मुलुकमा ठूलो सङ्कटका रुपमा लिइएको सहल छिमेकी देश भारत तथा पाकिस्तानमा पनि यो वर्ष देखापरेका कारण नेपालमा पनि यो प्रवेश हुने अनुमान गरी नेपालमा रोकथाम कार्यदल गठन गरिएको थियो । ठूलो समूहमा आउने फट्याङ्ग्राले पूरै बालीनाली तथा बोट बिरुवा सखाप पर्ने भएकाले यसले कृषि र पर्यावरणमा नराम्रो असर पार्ने बताइन्छ ।

HT

Leave a Reply

Your email address will not be published. Required fields are marked *