• Tue. Oct 27th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

स्थायी कमिटी बैठकमा प्रधानमन्त्री एकैछिन मात्र

ByHT

Jun 27, 2020
Spread the love

काठमाडौँ । शुक्रबार पार्टी स्थायी कमिटी बैठकको दोस्रो दिन अनुपस्थित भएका प्रधानमन्त्री केपी शर्मा ओली शनिबारको बैठकमा पनि मुख देखाएर निस्केका छन् । प्रधानमन्त्री निवास बालुवाटारमा जारी बैठकमा प्रधानमन्त्री ओली केहीबेर मात्र सहभागी भएर बाहिरिएका हुन् । शनिबार पनि ओली केहीबेरमा निस्किएपछि अर्का अध्यक्ष प्रचण्डले स्वास्थ्यका कारण उनी पूरै समय बैठकमा बस्न नसकेको बताएका थिए ।

प्रधानमन्त्री नै उपस्थित हुने भनेर बालुवाटारमा बैठक राख्दा पनि उनी उपस्थित नभएको भन्दै शुक्रबार केही सदस्यले ओलीको आलोचना गरेका थिए । बैठकको पहिलो दिन अध्यक्षद्वयले सम्बोधन गर्ने दिन भने ओलीले बैठकमा आफ्नो सरकारका उपलब्धिबारे फेहरिस्त प्रस्तुत गरेका थिए । उनले सरकारले राम्रा काम गरेपनि पार्टी भित्रैबाट त्यसको प्रचार नभएको, बहुमतको खेल सुरु गरेको भन्दै दुखेसो पोखेका थिए ।

बैठकमा वरिष्ठ नेता नेपालले एकोहोरो आफ्नो मात्र बखान नगर्न भन्दै प्रधानमन्त्रीलाई बीचमै रोक्न खोजेका थिए । तर प्रधानमन्त्रीले आफ्नो पालोमा बोल्नु भन्दै नेपाललाई बोल्न दिएका थिएनन् । त्यसयता प्रधानमन्त्री ओली बैठकमा उपस्थित नै हुन छाडेका छन् । शुक्रबारको बैठकमा प्रधानमन्त्री अनुपस्थित भएपछि सीमा समस्याकाबारेमा मात्रै छलफल भएको थियो ।

विभिन्न सात एजेण्डा तय भएपनि सरकार, पार्टीको कामको समीक्षा, एमसीसीको विषयमा छलफल गर्ने बेलामा भने प्रधानमन्त्री स्थायी कमिटी सदस्यबाट छलिन लागेका छन् ।

HT

Leave a Reply

Your email address will not be published. Required fields are marked *