विश्वमा एक करोड भन्दा बढी मानिसलाई कोरोना भाइरसको संक्रमण

Spread the love

विश्वमा कोरोनाभाइरसबाट संक्रमित हुनेहरुको संख्या एक करोड नाघेको छ । आइतबार विहानसम्ममा विश्वभरी एक करोड ७२ हजार ५०० मानिस कोरोना संक्रमण भएको छ । संक्रमित मध्ये ५ लाखको मृत्यु भएको छ । यसैगरी संक्रमितको आधा भन्दा बढी ५४ लाख मानिस भने कोरोनालाई जित्न सफल भएका छन् ।

तथ्याङ्क अनुसार अझैपनि विश्वभर ४१ लाख मानिसहरु कोरोनाभाइरसको उपचार गराइरहेका छन् । उनीहरुमध्ये ९९ प्रतिशत अर्थात् ४० लाख ६२ हजारको अवस्था सामान्य छ भने ५७ हजार ७०० जनाको अवस्था गम्भीर छ । संक्रमण शुरु भएको ६ महिना बितिसक्दा अझैपनि दैनिक डेढ लाख बढी संक्रमित थपिइरहेका छन् भने ४ हजार हाराहारीमा दैनिक मृत्यु भइरहेको छ ।

कोरोनाभाइरसकै कारण विश्वमा सबैभन्दा बढी अमेरिकामा सङ्क्रमित र मृत्यु भएका छन् । त्यहाँ हालसम्म २५ लाख ९५ हजार बढी मानिसहरु संक्रमित भएका छन् भने १ लाख २८ हजार बढीको मृत्यु भइसकेको छ । मानवीय क्षति व्यहोर्ने मुलुकको सूचीमा ब्राजिल दोस्रो स्थानमा छ जहाँ ५७ हजार बढीले ज्यान गुमाइसकेका छन् ।

यसैगरी बेलायतमा ४३ हजार ५००, इटलीमा ३४ हजार ७००, फ्रान्समा २९ हजार ७००, स्पेनमा २८ हजार ३००, मेक्सिकोमा २५ हजार ७००, भारतमा १६ हजार १०० र इरानमा १० हजार ३०० बढीको मृत्यु भएको छ ।

हालसम्म कुनै औषधि पत्ता लागिनसकेको कोरोनाभाइरस विरुद्धको भ्याक्सिन बनाउन विश्वभर १२० भन्दा बढी संस्था लागिरहेका छन् । यसैबर्षको अन्त्यसम्ममा भ्याक्सिन बनाएर जनजीवन सामान्य बनाउनका लागि अनुसन्धानकर्ता वैज्ञानकहरु तल्लिन छन् ।

HT

Leave a Reply

Your email address will not be published. Required fields are marked *

Next Post

मदन भण्डारीको ६९ औँ जन्मजयन्ती आज मनाइँदै

२०७७ असार १४, आईतवार ०३:०५
Spread the loveकाठमाडौं । तत्कालीन नेकपा एमालेका महासचिव जननेता मदनकुमार भण्डारीको ६९ औँ जन्मजयन्ती आज मनाइँदैछ । विश्व कम्युनिष्ट आन्दोलन रक्षात्मक अवस्थामा पुगेका बेला नेपाली कम्युनिष्ट आन्दोलनको लोकतान्त्रिकरणका लागि ‘जनताको बहुदलीय जनवाद जबज को सिद्धान्त प्रतिपादन गरी लोकप्रिय भएका भण्डारीको जन्म २००९ साल असार १४ गते ताप्लेजुङको ढुंगेसाँघुमा भएको थियो […]