• Wed. Nov 25th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

‘कमरेड्ली’ भावनाको विकास गर्न प्रधानमन्त्रीलाई नेताहरुको सुझाव

ByHT

Jul 1, 2020
Spread the love

काठमाडौं । सत्तारुढ नेपाल कम्युनिष्ट पार्टीका नेता एव पर्यटन मन्त्री योगेश भट्टराईले प्रधनमन्त्री केपी शर्मा ओलीलाई कमरेड्ली भावनको विकास गर्न सुझाव दिएको बताएका छन् । प्रधानमन्त्रीसँगको परामर्शका क्रममा आफूले प्रधानमन्त्रीलाई विश्वासको संकटलाई अन्त्य गर्दै हार्दिक र कमरेड्ली भावनाको विकास गर्न सुझाव दिएको उल्लेख गरेका छन् ।

प्रधानमन्त्रीसँगको भेटपछि भट्टराईले सामाजिक संजाल फेसबुकमा लेखेका छन्, ‘पार्टीभित्र देखिएका समस्याका बारेमा परामर्श गर्न स्थायी कमिटीका साथीहरुलाई अध्यक्ष तथा प्रम कमरेड केपी ओलीले आज बिहान बोलाउनु भयो । बाँकी नेता र सदस्यहरुसँगै पनि परामर्श गर्ने प्रमले बताउनु भयो जुन सकारात्मक छ । सहभागीहरुले कुनै पनि हालतमा पार्टी एकतालाई बचाउन, अन्तरबिरोधको समाधानका लागि पहल गर्न, इतिहास र नेपाली जनताले दिएको जिम्मेवारीलाई पुरा गर्दै पार्टीलाई थप नयाँ जगमा अझ सुदृढ र एकताबद्ध बनाउन, विश्वासको संकटलाई अन्त्य गरी हार्दिक र कमरेड्ली भावनाको विकास गर्न प्रमलाई सुझाव दिनुभएको छ । चिज साकारात्मक दिशामा जाने आशा गरौं । प्रोक्सी वार बन्द गरौं ।’

मंगलबारको स्थायी कमिटी बैठकमा १७ जना स्थायी कमिटी सदस्यले राजीनामा मागेपछि ओली संकटमा परेका छन् । उनले पार्टी फुटाउने, संकटकाल घोषणा गरी मध्यावधि निर्वाचन घोषणा गर्न सक्ने अड्कालबाजी गर्न थालिएको छ ।

HT

Leave a Reply

Your email address will not be published. Required fields are marked *