थप प्रभावकारी उपाय नअपनाइएमा अमेरिकामा दैनिक कोरोना संक्रमितको संख्या एक लाखले बढ्ने

Spread the love

अमेरिकाका सङ्क्रामक रोगका एकजना वरिष्ठ विज्ञ डा. एन्थोनी फाउचीले कोरोनाभइरसको सङ्क्रमण रोकथाममा गरिएको प्रयास पर्याप्त नभएको बताएका छन् ।

आउँदा दिनहरू अमेरिका निम्ति थप चुनौतीपूर्ण हुने उनको ठम्याइ छ । थप प्रभावकारी उपाय नअपनाइएमा अमेरिकामा अहिलेको सङ्क्रमण दरभन्दा दोब्बर बढी अर्थात् दैनिक एक लाख मानिस सङ्क्रमित हुनसक्ने डा. फाउचीले चेतावी दिएका छन् । अहिले अमेरिकामा दैनिक सरदर ४० हजार मानिस सङ्क्रमित हुने गरेका छन् । उनले नागरिकस्तरबाट पनि सङ्क्रमण कम गर्न सामाजिक दूरी राख्ने र मास्क लगाउने नियम पालना हुनुपर्नेमा जोड दिए ।

अमेरिकी सिनेटको समितिद्वारा आयोजित सुनुवाइमा उनले भने, ‘हामीले अहिले सङ्क्रमण नियन्त्रण गर्न सकेका छैनौँ भन्ने स्पष्ट छ।’ अमेरिकाको दक्षिण र पश्चिमका राज्यहरूमा सङ्क्रमण व्यापक रूपमा बढीरहेको देखिएको छ ।

डा. फाउचीले फ्लोरिडा, एरिजोना, टेक्सस र क्यालिफोर्नियालाई अहिले तीव्र गतिमा महामारी फैलिएको राज्यको रूपमा उदाहरण दिएका छन् । त्यस क्षेत्रका १६ वटा राज्यले व्यवसाय र कारोबार खोल्ने आफ्नो पूर्व योजना स्थगित वा फिर्ता लिएको समाचार संस्था सीएनएनले जनाएको छ ।

डा. फाउचीका अनुसार देशका केही भागमा रोकथामको राम्रो काम भइरहे पनि देशको एउटा भागमा प्रकोप रहँदा अरू पनि जोखिमा परेका छन् । उनले सबै अमेरिकीलाई निःशुल्क वितरण गर्ने गरी मास्क उत्पादन गर्न अमेरिकी सरकारलाई आग्रह पनि गरे ।

विज्ञले त्यस्तो बताइरहँदा सिनेटको समितिद्वारा आयोजित सुनुवाइमा सिनेटर एलिजाबेथ वारेनले भनिन्, ‘मैले निश्चित पूर्वानुमान गर्न त सक्दिन तर यो निकै अत्याउने ढङ्ले बढिरहेको छ, त्यो निश्चित हो।’ डेमोक्रेटिक पार्टीका राष्ट्रपतिका उम्मेद्वार जो बाइडले कोरोनाभाइरस महामारीसँग जुध्न सरकारले चालेका कदमको चर्को आलोचना गरेका छन्।

उनले त्यसको निम्ति राष्ट्रपति डोनल्ड ट्रम्पलाई निशाना बनाए। आफ्नो गृहक्षेत्रमा बोल्दै उनले ट्रम्पलाई विज्ञान अस्वीकार गर्ने व्यक्तिको संज्ञा दिए। र, राष्ट्रपतिकै कारण नागरिकले भयानक बलिदान दिन नसक्ने बताए ।

HT

Leave a Reply

Your email address will not be published. Required fields are marked *

Next Post

हाम्रो जहाज महाभुमरीमा हेलिने अनिष्ट सम्भावना नजिकिन थाल्योः कृषिमन्त्री भुसाल

२०७७ असार १७, बुधबार ०३:२४
Spread the loveकाठमाडौं । सत्तारुढ नेकपाको जारी स्थायी कमिटी बैठकमा प्रधानमन्त्री केपी शर्मा ओलीको राजीनामा मागिएपछि नेपाली राजनीतिमा ठूलो तरंग पैदा भएको छ । प्रधानमन्त्रीको कार्यशैलीलाई लिएर राजीनामा मागिएपछि धेरैले नेकपा फुटको संघारमा पुगेको आंकलन गर्न थालेका छन् । मंगलबारको बैठकमा बोल्ने १७ जना सदस्यले प्रधानमन्त्रीको कार्यशैलीप्रति असन्तुष्टि जनाउँदा त्यसको […]

समाचार छुट्याे की?