प्रधानमन्त्रीको अभिव्यक्ति र राजीनामा प्रकरणमै स्थायी कमिटीमा छलफल

Spread the love

काठमाडौं । सत्तारुढ नेपाल कम्युनिष्ट पार्टीको स्थायी कमिटीको बुधबारको बैठक पाँच जना सदस्यले बोलेपछि भोलिसम्मका लागि स्थगित भएको छ । करिब एक घण्टा बसेपछि बैठक स्थगित गरिएको हो । नेपाली काँग्रेसकी सांसद ज्ञानकुमारी छन्त्यालको निधनमा संघीय संसदको बैठकमा शोक प्रस्ताव पारित गर्ने कार्यक्रम भएकाले बैठक स्थगित गरिएको हो । छन्त्यालको बुधबार विहान शहीद गंगालाल राष्ट्रिय हृदय केन्द्रमा उपचारका क्रममा निधन भएको थियो ।

आजको बैठकमा स्थायी कमिटी सदस्यहरु लीलामणि पोखरेल, योगेश भट्टराई, मातृका यादव, एनके प्रसाईं र पेशल खतिवडाले धारणा राखेका थिए । बैठकमा मदन जयन्तीका अवसरमा असार १४ गते प्रधानमन्त्रीले राख्नुभएका विचार, सरकार हटाउन भारत सक्रिय रहेको, त्यसमा पार्टीका नेताहरूको संलग्नता रहेको र दुई दिनअघि निर्वाचन आयोगमा दर्ताको लागि आवेदन परेको भनिएको नेकपा(एमाले) को सम्बन्धमा छलफलमा सदस्यहरूले धारणा राखेका थिए ।

बैठकमा पाँच मध्ये चार जनाले प्रधानमन्त्रीको राजीनामा माग गरेका थिए । तर प्रवक्ता नारायणकाजी श्रेष्ठले भने तपाईँहरुलाई थाहा छँदैछ नि भन्दै विषयबस्तुको बारेमा नबोली पन्छिएका थिए । मंगलबारको बैठकमा अर्का अध्यक्ष प्रचण्ड, वरिष्ठ नेताद्वय माधव कुमार नेपाल, झलनाथ खनाल तथा उपाध्यक्ष वामदेव गौतमसहित १७ जनाले प्रधानमन्त्रीको राजीनामा मागेका थिए ।

त्यसपछि नेकपाभित्रको विवाद उत्कर्षमा पुगेको छ । त्यसपछि प्रधानमन्त्री ओलीले आफू निकटका मन्त्री तथा नेताहरुसँग आज बिहान परामर्श गरेका थिए । त्यसक्रममा नेताहरुले प्रधानमन्त्रीलाई पार्टी एकता जोगाउन सुझाव दिएका छन् ।

HT

Leave a Reply

Your email address will not be published. Required fields are marked *

Next Post

अनुदानस्वरुप एडिबीले नेपाललाई ३६ करोड रुपैयाँ दिने

२०७७ असार १७, बुधबार ०८:२०
Spread the loveकाठमाडौं । एशियाली विकास बैंक (एडिबी)ले कोभिड–१९ को महामारीविरुद्ध लड्न नेपाल सरकारलाई ३६ करोड रुपैयाँ अनुदानस्वरुप उपलब्ध गराउने भएको छ । एडिबीले एशिया–प्रशान्त विपद् प्रतिकार्य कोषबाट नेपाललाई उक्त रकम उपलब्ध गराउन स्वीकृति गरिएको बैंकको देशीय कार्यालयले जनाएको छ । जापान सरकारद्वारा कोषमा दाखिला भएको उक्त रकम सीमाक्षेत्रस्थित क्वारेन्टिनको […]

समाचार छुट्याे की?