राष्ट्रपति र प्रधानमन्त्री ओलीबीच भेटवार्ता

काठमाडौं । मन्त्रिपरिषद बैठक अघि राष्ट्रपति विद्यादेवी भण्डारीलाई भेट्न प्रधानमन्त्री केपी शर्मा ओली शीतलनिवास पुगेका छन् । राष्ट्रपति भण्डारी र प्रधानमन्त्री ओलीबीच अहिले भेटवार्ता भइरहेको छ ।

प्रधानमन्त्री ओली विहान ११ बजे राष्ट्रपतिलाई भेट्न शीतल निवास पुगेका हुन् । पार्टीको स्थायी कमिटी बैठकमा आफ्नो राजीनामा मागिएपछि प्रधानमन्त्री प्रायः दिनहुँजसो राष्ट्रपतिलाई भेट्न जाने गरेका छन् ।

आजको भेटमा पनि पार्टीभत्रको विकसित घटनाक्रमबारे छलफल गर्न प्रधानमन्त्री र राष्ट्रपतिबीच छलफल भएको अनुमान गरिएको छ । पार्टीको स्थायी कमिटी बैठक पनि बिहान ११ बजेका लागि बोलाइएको थियो । तर प्रधानमन्त्री राष्ट्रपतिलाई भेट्न गएकाले सुरु भएको छैन ।प्रधानमन्त्रीले मध्यान्ह १२ बजे मन्त्रिपरिषद बैठक बोलाएका छन् ।