ट्याक्सीलाई मापदण्ड तोकेर जोरबिजोर चलाउन अनुमति दिंदा हुन्छ

Spread the love

डा. रवीन्द्र पाण्डे, जनस्वास्थ्य विज्ञ ।

सार्वजनिक यातायात नचल्दा सर्वसाधारण नागरिकलाई अप्ठ्यारो परेको छ | बिरामी भएर अस्पताल जान समेत निकै असुविधा भएको छ | एम्बुलेन्स सिमित छन् |

सरकारले यातायात संचालनको प्रारम्भिक चरणमा जोरबिजोर आधारमा ट्याक्सी चलाउन अनुमति दिनु उपयुक्त हुन्छ |
ट्याक्सीलाई दिनको २ पटक पुरै स्यानिटाइज गर्ने, सिट कभर नयाँ राख्ने, पछाडिको सिटमा मात्र १ जना वा प्रमाणित एका परिवारका मान्छे बस्न पाउने, ड्राइभरले अनिबार्य मास्क / पंजा / चस्मा लगाउनुपर्ने, ट्याक्सीमा ह्याण्ड स्यानिटाइजर अनिबार्य राख्ने तथा ट्याक्सी चढ्ने व्यक्तिले अनिबार्य रुपमा मास्क लगाउने लगायतका मापदण्ड पुरा गरेर ट्याक्सी चलाउन अनुमति दिनु ब्यबहारिक हुन्छ |
ट्याक्सी एक जिल्लाबाट अर्को जिल्लामा जान नपाउने, प्यासेन्जरलाई मिटरको आधारमा जहाँ पनि पुर्याउनुपर्ने, बढी भाडा असुल्न नपाउने, ग्राहकले चाहेको ठाउँमा जान्न भन्न नपाइने, बार्गेनिंग गर्न नपाइने लगायतको ट्राफिक प्रहरीले अनुगमन गर्ने तथा मापदण्ड बिपरित चलाएमा १-३ महिना ट्याक्सी चलाउन नदिने र प्यासेन्जरको कम्प्लेन सुन्ने ब्यबस्था मिलाउने हो भने जोरबिजोरको आधारमा ट्याक्सी चलाउन दिनु राम्रो हुन्छ |

ट्याक्सी चालक र उनीहरुको परिवारलाई परेको मर्का राज्यले बुझ्नु जरुरी छ | यो प्रयोग अनुशाशित ढंगले सफल भयो भने लामा बस जस्तै साझा, महानगर, मयुर आदिलाई १ सिटमा १ जना राखेर ( एउटा सिटमा छेउमा, अर्को सिटमा कुनामा बस्ने गरि ) तथा सुरक्षाका सम्पूर्ण उपाय अबलम्बन गरेर संचालन गर्न सकिन्छ |
त्यसपछिको चरणमा ग्रीन जोनबाट ग्रीन जोनमा लामो दुरीका बस चलाउने, ग्रीन जोनमा आन्तरिक हवाइसेवा संचालन गर्ने काम गर्न सकिन्छ |
यी हरेक चरणमा पिसिआर परीक्षणको दयारा बढाउंदै निर्णय गर्नुपर्दछ | हामीले रोग र भोक दुबैको सम्बोधन गर्नु जरुरी छ |
हामी सबैले उच्च अनुशाशन पालना गरेनौं भने संक्रमण बढ्नेछ | त्यो अवस्थामा लकडाउन तथा कर्फ्यु लगाउनु पर्ने स्थिति पनि आउन सक्छ | हामीले जापान, चीन, भुटान, कोरिया, भियतनाम आदि देशका जनताजस्तै अनुशाशित र जिम्मेवार बनेमा हाम्रो जीवन सजिलो र सुरक्षित हुनेछ |

HT

Leave a Reply

Your email address will not be published. Required fields are marked *

Next Post

नेपाली सेनाको प्रवक्तामा पौडेल नियुक्त

२०७७ असार २०, शनिबार ०७:१०
Spread the loveकाठमाडौँ । नेपाली सेनाको  प्रवक्तामा सहायकरथी सन्तोषबल्लभ पौडेल नियुक्त भएका छन् । पौडेल सैनिक मुख्यालयस्थित १५ बाहिनीपति हुन् । यसअघिका प्रवक्ता विज्ञानदेव पाण्डेलाई सुर्खेतस्थित उत्तरपश्चिम पृतनाको निमित्त पृतनापतिको जिम्मेवारी दिइएको सैनिक मुख्यालयले जनाएको छ ।