विश्वमा कोरोना संक्रमितमध्ये ६४ हजारको स्वास्थ्य गम्भीर

Spread the love

विश्वभर महामारीको रुपमा फैलिएको कोरोना भाइरस संक्रमितको संख्या २ करोड ७ लाख नाघेको छ । पछिल्लो २४ घण्टामा २ लाख ७५ हजार भन्दा बढीमा संक्रमण देखिएसँगै संक्रमित हुनेको संख्या २ करोड ७ लाख ८६ हजार ८ सय ५५ पुगेको छ ।

संक्रमितमध्ये १ करोड ३६ लाख ९० हजार बढी उपचारपछि निको भएर घर फर्किएका छन् । यस्तै, कोरोना संक्रमणबाट पछिल्लो २४ घण्टामा ६ हजार ६ सय बढीको मृत्यु भएसँगै मृत्यु हुनेको संख्या ७ लाख ५१ हजार ५ सय ६० पुगेको वल्डोमिटरमा उल्लेख छ।

संक्रमितमध्ये ६३ लाख ४५ हजार भन्दाबढी विभिन्न अस्पतालमा उपचाररत छन् भने ६४ हजार ६ सयबढीको अवस्था गम्भिर रहेको छ ।
यस्तै, कोरोनाबाट सबैभन्दा बढी प्रभावित अमेरिकामा ५३ लाख ६० हजार ३ सय भन्दाबढी सङ्क्रमित भएका छन् । संक्रमितमध्ये २८ लाख १२ हजार ६ सय बढी निको भएका छन् भने १ लाख ६९ हजार १ सय भन्दा धेरैको ज्यान गएको छ ।

यस्तै, ब्राजिलमा कोरोना भाइरसबाट सङ्क्रमित हुनेको संख्या ३१ लाख ७० हजार ४ सय ७४ पुगेको छ भने १ लाख ४ हजार २ सय भन्दा बढीको मृत्यु भएको छ । संक्रमितमध्ये २३ लाख ९ हजार ४ सय भन्दा बढी निको भएका छन् ।

यस्तै छिमेकी मुलुक भारतामा २३ लाख ९५ हजार ४ सयभन्दाबढी संक्रमित भएको छन् भने ४७ हजार १ सय बढीको मृत्यु भएको छ । संक्रमितमध्ये १६ लाख ९५ हजार ८ सय भन्दाबढी उपचार पछि निको भएका छन् ।

HT

Leave a Reply

Your email address will not be published. Required fields are marked *

Next Post

बुधबार ६ हजार दुई सय रुपैयाँले घटेको सुनको मूल्य बिहीबार २४ सय रुपैयाँले बढ्यो

२०७७ श्रावण २९, बिहीबार ०२:४८
Spread the loveकाठमाडौँ । बुधबार ६ हजार दुई सय रुपैयाँले घटेको सुनको मूल्य बिहीबार भने २४ सय रुपैयाँले बढेको छ । बिहीबार एकै दिन सुनको मुल्य तोलामा २४ सय रुपैयाँले बढेको नेपाल सुनचाँदी व्यवसायी महासंघले जनाएको छ । बिहीबार सुन प्रति तोला ९७ हजार ८ सय रुपैयाँमा कारोबार भइरहेको महासंघले […]