अस्ट्रेलियाले आफ्ना नागरिकलाई कोरोना भाइरसविरुद्धको खोप निःशुल्क दिने

Spread the love

अस्ट्रेलियाले छिटै तयार हुने आशा गरिएको कोरोनाभाइरसविरुद्धको खोप आफ्ना नागरिकका लागि निःशुल्क दिने जनाएको छ । त्यो खोप औषधि कम्पनी आस्ट्राजेनेका र अक्सफोर्ड विश्वविद्यालयले विकास गरिरहेका छन् र अहिले परीक्षणको क्रममा छ । प्रधानमन्त्री स्कट मरिसनले परीक्षण सफल भएमा आस्ट्राजेनेकासँगको सम्झौताले हरेक अस्ट्रेलियालीका निम्ति खोप सुरक्षित हुने बताए ।

उनका अनुसार अढाई करोड जनसङ्ख्यालाई निस्शुल्क खोप उपलब्ध गराउन सक्ने गरी उक्त कदम उठाइएको छ । प्रधानमन्त्री मरिसनले यो खोपको परीक्षण सफल भएमा त्यसको उत्पादन र आपूर्ति गरेर अढाई करोड अस्ट्रेलियालीका निम्ति निःशुल्क लगाउने बताए । तर सबै जनसङ्ख्यामा खोप पुर्याउन लाग्ने खर्चको अनुमान अझै निश्चित भइसकेको छैन ।

कोरोनाभाइरसबाट अस्ट्रेलियामा ज्यान गुमाउनेको सङ्ख्या करिब साढे चार सयमा अडिएको छ । यो महिनाको सुरुमा भिक्टोरिया राज्यले कोरोनाभाइरसको सङ्क्रमण फेरि देखिएपछि लकडाउनका कडा प्रतिबन्धहरू लागु गर्दै राज्यस्तरीय विपद्को घोषणा गरेको थियो ।

अस्ट्रेलियामा अझैँ पनि सात हजार सक्रिय सङ्क्रमित छन् । जसले त्यहाँ खराब अवस्था आउने चिन्ता जीवित राखेको छ । अक्सफोर्ड र आस्ट्रजेनेका खोप परीक्षणमा पुगेका पाँच महत्वपूर्ण प्रयासमध्ये एक हो । जसलाई विश्वभरिका देशहरूले आफ्ना नागरिकको निम्ति सुरक्षित राख्न चाहिरहेका छन् ।

HT

Leave a Reply

Your email address will not be published. Required fields are marked *

Next Post

संसद सचिवालयद्वारा संसदको लोगो फिर्ता

२०७७ भाद्र ३, बुधबार ०५:२०
Spread the loveकाठमाडौँ । संघीय संसदको लोगोमा राखिएको नक्सा नमिलेको र भद्दा देखिएको भन्दै सर्वत्र विरोध भएपछि संसद सचिवालयले लोगो फिर्ता गरेको छ । फेरि निर्माण गरेर दिन भन्दै सचिवालयले लोगो फिर्ता गरेको हो । संघीय संसद्का दुवै सदनका सदस्यहरूका लागि भन्दै ३ सय ५० वटा लोगो निर्माण गरिएको थियो […]