• Tue. Oct 27th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

बुटवलमा प्यूठानका कोरोना संक्रमितको मृत्यु

ByHT

Aug 21, 2020
Spread the love

बुटवल । बुटवलमा थप एकजना कोरोना संक्रमितको मृत्यु भएको छ । बुटवल धागो कारखानास्थित कोरोना विशेष आईसोलेसन अस्पतालमा उपचार गराई रहेका एकजना ५२ बर्षीय पुरुषको शुक्रबार बिहान मृत्यु भएको हो ।

प्यूठानको स्वर्गद्धारी नगरपालिका वडा नम्बर ७ का पुरुषको शुक्रवार विहान मृत्यु भएको लुम्बिनी प्रादेशिक अस्पताल बुटवलका मेडिकल सुपरिटेन्डेन्ट डा. राजेन्द्र खनालले जानकारी दिए ।

कोरोना संक्रमणसंगै उनमा दम र उच्च रक्तचापको समेत समस्या रहेको डा. खनालले बताए । साउनको अन्तिम साता भारतबाट आएका उनी भदौ १ गते राती आईसोलेसन अस्पतालमा भर्ना भएका थिए । दमको समस्याको कारण श्वासप्रस्वासमा समस्या देखिएपछि उनलाई आईसोलेसनमा रहेको आईसियूमा उच्च निगरानीमा राखि उपचार भईरहेको थियो ।

HT

Leave a Reply

Your email address will not be published. Required fields are marked *