• Fri. Oct 30th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

कोरोना संक्रमणबाट अमेरिकामा एक लाख ७९ हजार भन्दा बढीको मृत्यु

ByHT

Aug 22, 2020
Spread the love

विश्वभर महामारीको रुपमा फैलिएको कोरोना भाइरस संक्रमणका कारण मृत्यु हुनेको संख्या ८ लाख नाघेको छ । गत डिसेम्बर अन्तिमबाट चीनको वुहानबाट फैलिएको संक्रमणबाट विश्वका २ सय १६ देशका २ करोड ३१ लाख ६ हजार ७ सय भन्दाबढी संक्रमित भएका छन् । यस्तै, संक्रमितमध्ये ८ लाख २ हजार ९ सयभन्दा बढीको मृत्यु भएको छ ।

यस्तै, १ करोड ५७ लाख १ हजार ८ सय भन्दाबढीको उपचारपछि निको भएर घर फर्किएका छन् । संक्रमितमध्ये ६६ लाख १ हजार ८ सय बढीको विभिन्न अस्पतालमा उपचार भइरहेको छ भने ६१ हजार ८ सय बढीको अवस्था गम्भीर रहेको वल्डोमिटरमा उल्लेख छ ।

कोरोना संक्रमणका कारण सबैभन्दा बढी प्रभावित अमेरिकामा संक्रमितको संख्या ५७ लाख ९६ हजार ७ सय नाघेको छ । कोरोनाका कारण १ लाख ७९ हजार बढीको मृत्यु भएका छन् भने ३१ लाख २७ हजार ४ सय भन्दा बढी निको भएका छन् ।

यस्तै, ब्राजिलमा ३५ लाख ३६ हजार ४ सय भन्दाबढी संक्रमित भएका छन् भने १ लाख १३ हजार ४ सय बढीको मृत्यु भएको छ । संक्रमितमध्ये २६ लाख ७० हजार ७ सय भन्दाबढी निको भएका छन् ।

यसैगरी छिमेकी मुलुक भारतमा २९ लाख ७३ हजार ३ सय भन्दाबढी संक्रमित भएका छन् । भारतमा कोरोनाका कारण मृत्यु हुनेको संख्या ५५ हजार ९ सय नाघेको छ । संक्रमितमध्ये २२ लाख २२ हजार भन्दा धेरै निको भएका छन् ।

HT

Leave a Reply

Your email address will not be published. Required fields are marked *