• Wed. Oct 28th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

धन्यवाद छ कोरोना तिमीलाई

Spread the love
शान्ता शर्मा

उडि रहेको चरीलाई हेर्छु,

फाट्टफुट्ट राहत बोकेर,

गुडिरहेको गाडीलाई हेर्छु,

खुल्ला सडकमा छाउरालाई अघिपछि लगाएर भोकले

लखतरान भएको त्यो माकुरीलाई नियाल्छु र संझन्छु,

म मेरा बा,आमा!

 

चरी हतार गर्दै राहत बोकेर

आफ्ना बचेरा भेट्न जान्छे,

माकुरी राहत खोज्दै सन्तान को लालनपालन र सुरक्षा

गर्छे,

गाडी राहत बोकेर भोकाहरु भेट्न जान्छ,र संझन्छु

म मेरा बा आमा!

 

अनायासै लामो सुस्केरा आउँछ,

भोको पेटले मेरी आमा संझन्छ,

हररात शहरमा झरी पर्छ, र संझन्छु

म मेरा बा आमा!

 

संझन्छु मेरी आमाको धमिलो अनुहार र बनाउँछु

आमालाई चरी र माकुरी!

म धर्तिको एकान्तवासमा छु,र संझन्छु,

आकाश को एकान्तवासमा रहेकी मेरी आमा!

कल्पिन्छु,

मेरी आमा चरी जस्तै उडेर मलाई भेट्नआईदिए?

मेरा बा गाडी भरी राहत बोकेर मलाई भेट्नआईदिए?

 

धन्यवाद छ कोरोना तिमीलाई,

मेरा बा आमा को मुल्य चिनायौ,

याद गरायौ,

मुटु भरी सजाउने अवसर दिलायौ,

 

कमसेकम फुर्सतले संझने अवसर पाएँ,

त्यसैले धन्यवाद छ कोरोना तिमीलाई,

तिमी भित्रै मैले मेरा बा आमा भेटाएँ!

HT

Leave a Reply

Your email address will not be published. Required fields are marked *