• Thu. Oct 22nd, 2020

हिमालयन ट्रिबुन

चाखलाग्दा खबर, विश्लेषणात्मक बिचार

धुलिखेलमा महोत्तरीका र विराटनगरमा धरानका कोरोना संक्रमितको मृत्यु

ByHT

Sep 5, 2020
Spread the love

काठमाडौं । काभ्रेको धुलिखेल अस्पतालमा महोत्तरीका एक कोरोना संक्रमितको मृत्यु भएको छ । महोत्तरीको बर्दीबास नगरपालिका वडा नम्बर १४ का ७८ वर्षीय पुरुषको शनिबार विहान मृत्यु भएको अस्पतालले जानकारी दिएको छ ।

मुटु रोगको उपचारका लागि भदौ ९ गते उनी धुलिखेल अस्पतालमा भर्ना भएका थिए । उनमा भदौ ११ गते संक्रमण पुष्टि भएको थियो । संक्रमण देखिएपछि उनलाई भेन्टिलेटरमा राखेर उपचार थालिएको थियो । तर उपचारकै क्रममा उनको मृत्यु भएको हो ।

त्यसैगरी, विराटनगरस्थित कोशी अस्पतालको कोभिड उपचार केन्द्रमा थप एक जना कोरोना सङ्क्रमितको मृत्यु भएको छ । कोशी अस्पतालको आइसोलेशनबाट रिफर गरिएका मोरङ धनपालथान गाउँपालिकाका ५२ वर्षीय पुरूषको शनिबार विहान ११ बजे मृत्यु भएको हो ।

स्वावप्रश्वासमा समस्या भएपछि कोशी अस्पतालको आइसोलेनमा भर्ना गरिएको उनको शुक्रबार राती स्वास्थ्यमा थप समस्या आएपछि कोभिड अस्पतालमा भर्ना गरिएको थियो । उनको उपचारको क्रममा मृत्यु भएको कोशी अस्पतालका फिजिसियन डा. लक्ष्मीनारायण यादवले जानकारी दिएका छन् ।

 

HT

Leave a Reply

Your email address will not be published. Required fields are marked *