• Fri. Nov 27th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

अमेरिकामा ६४ लाख ३१ हजारलाई कोरोना संक्रमण

ByHT

Sep 6, 2020
Spread the love

विश्वभर महामारीको रुपमा फैलिएको कोरोना भाइरस संक्रमितको संख्या २ करोड ७० लाख नाघेको छ । पछिल्लो २४ घण्टामा २ लाख ५८ हजार भन्दाबढीमा संक्रमण पुष्टि भएसंगै संक्रमितको कुल संख्या २ करोड ७० लाख ६० हजार ४ सयभन्दाबढी पुगेको हो । जसमध्ये १ करोड ९१ लाख ६० हजार भन्दाबढी संक्रमणमुक्त भएका छन् । यस्तै एकै दिन थप ४ हजार ६ सय भन्दाबढीको मृत्यु भएसंगै कोरोना संक्रमणका कारण विश्वभर मृत्यु हुनेको संख्या ८ लाख ८३ हजार ६ सय नाघेको छ । संक्रमितमध्ये ७० लाख १७ हजार ७ सय बढीको विभिन्न अस्पतालमा उपचार भइरहेको छ भने ६० हजार ७ सय बढीको अवस्था गम्भीर रहेको वल्डोमिटरमा उल्लेख छ ।

विश्वका २१६ देशमा फैलिएको कोरोना संक्रमणका कारण सबैभन्दा बढी प्रभावित अमेरिका भएको छ । अमेरिकामा संक्रमितको संख्या ६४ लाख ३१ हजार १ सय नाघेको छ । कोरोनाका कारण १ लाख ९२ हजार ८ सय बढीको मृत्यु भएको छ भने ३७ लाख ७ हजार मानिस निको भएका छन् ।

यस्तै, ब्राजिलमा ४१ लाख २३ हजार मानिस संक्रमित भएका छन् भने १ लाख २६ हजार २ सय बढीको मृत्यु भएको छ । संक्रमितमध्ये ३२ लाख ९६ हजार ७ सय भन्दाबढी निको भएका छन् । भारतमा पछिल्लो २४ घण्टामा अहिलेसम्मकै धेरै ९० हजार ६ सय जना संक्रमित भएसँगै कोरोना संक्रमितको संख्या ४१ लाख १० हजार ८३९ पुगेको छ ।

पछिल्लो २४ घण्टामा १ हजार ४४ जनाको मृत्यु भएसँगै भारतमा कोरोनाले मृत्यु हुनेको संख्या ७० हजार ६ सय ७९ पुगेको छ ।
संक्रमितमध्ये अहिलेसम्म ३१ लाख ७७ हजार ६ भन्दाबढी संक्रमणमुक्त भएका छन् भने ८ लाख ६२ हजार ४ सयबढीको उपचार भइरहेको छ ।

HT

Leave a Reply

Your email address will not be published. Required fields are marked *