• Tue. Oct 27th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

कोरोना नियन्त्रण र रोकथाममा सरकारको व्यवस्थापन फितलो

ByHT

Sep 8, 2020
Spread the love

काठमाडौं । नेपाल मेडिकल काउन्सिलका रजिष्ट्रार कृष्णप्रसाद अधिकारीले कोरोना नियन्त्रण र रोकथामका लागि सरकारले गरेको व्यवस्थापन फितलो भएको बताएका छन् ।

मंगलबार प्रतिनिधिसभाको शिक्षा स्वास्थ्य समिति अन्तर्गतको कोभिड १९ को सम्बन्धमा सरकारले गरेका कामकारवाहीको अनुगमन गर्न गठित उपसमितिको बैठकमा उनले कोरोनाका लागि सरकारले धेरै काम गरेपनि व्यवस्थापन गर्न भने चूकेको बताए । अधिकारीले अहिले उपत्यकाका अस्पतालमा कोरोना उपचारका लागि प्रतिशतमा बेडको कोटा छुट्टयाउनु उचित नभएको तर्क गरे ।

उनले उपत्यकामा कोरोना उपचार गर्ने अस्पताल छुट्टै र अन्य उपचारका लागि छुट्टै अस्पताल तयार गर्न सुझाव दिए । अधिकारीले कोरोना उपचारका लागि स्वास्थ्य मन्त्रीलाई बिभिन्न सुझाव दिएपनि कार्यान्वयन नभएको भन्दै अनावश्यक तर्कमा सरकार अल्झेको आरोप लगाए ।
बैठकमा नेपाल स्वास्थ्य व्यवसायी परिषद्का रजिष्ट्रार पुष्पराज खनालले सरकारले अनावश्यक रुपमा पीसीआर परीक्षण गरिरहेको गरे ।

आवश्यक स्थानमा निश्चित दायर बनाएर पीसीआर परीक्षण गर्न सरकार चूकेको उनको भनाई छ । उनले कोरोना जाँचका लागि अनावश्यक रुप ल्याव बनाइएको तर्क गरे । अहिले भएको पूर्वाधारले नै पर्याप्त कोरोना जाँच गर्न सकिने उनको भनाई थियो ।

उनले अहिले प्रत्येक प्रदेश, प्रत्येक स्थानमा कोरोना जाँच प्रयोगशाला स्थापना गर्नुले खर्चमात्र बढाएको बताए । बैठकमा समिति सदस्यहरुले कोरोना जाँचको अवस्था तथा रोकथाम र नियन्त्रणका लागि भएका प्रयासहरुका बारेमा बिभिन्न निकायका प्रमुखहरुसँग छलफल गरेको हो ।

 

HT

Leave a Reply

Your email address will not be published. Required fields are marked *