• Thu. Oct 22nd, 2020

हिमालयन ट्रिबुन

चाखलाग्दा खबर, विश्लेषणात्मक बिचार

थप १४५४ जनामा कोरोना संक्रमण, ५ जनाको मृत्यु

ByHT

Sep 11, 2020
Spread the love

काठमाडौं । नेपालमा पछिल्लो २४ घण्टामा थप १४५४ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप १४५४ जनामा संक्रमण पुष्टि भएको हो ।

काठमाडौंमा ६२०, भक्तपुरमा ३८ र ललितपुरमा थप ३८ जनामा संक्रमण पुष्टि भएको छ । पछिल्लो २४ घण्टामा पीसीआर विधिबाट १०,७०१ जनाको नमुना परीक्षण गरिएको छ । योसँगै कोरोना संक्रमितको संख्या ५१९१९ पुगेको छ ।

आइसोलेसनमा १४९२५ जना सक्रिय संक्रमित रहेका छन् । क्वारेन्टाइनमा ६,०७८ जना रहेका छन् । शुक्रबार थप ९७२ जना डिस्चार्ज भएका छन् । योसँगै डिस्चार्ज हुनेको संख्या ३६,६७२ पुगेको मन्त्रालयले जनाएको छ । आइसियूमा १७० जनाको उपचार भइरहेको छ ।

यसैबीच पछिल्लो २४ घण्टामा कोरोना संक्रमणबाट थप पाँच जनाको मृत्यु भएको छ । मोरङ, महोत्तरी, धनुषा, काठमाडौं र नवलपरासीका गरी थप पाँच जनाको मृत्यु भएको हो । योसँगै मृत्यु हुनेको संख्या ३२२ पुगेको छ ।

HT

Leave a Reply

Your email address will not be published. Required fields are marked *