• Mon. Nov 23rd, 2020

हिमालयन ट्रिबुन

चाखलाग्दा खबर, विश्लेषणात्मक बिचार

महाराष्ट्रमा भवन भत्किँदा च्यापिएर दश जनाको मृत्यु

ByHT

Sep 21, 2020
Spread the love

भारतको महाराष्ट्रमा सोमबार बिहान एक आवासीय भवन भत्किँदा कम्तीमा पनि दश जनाको मृत्यु भएको छ । महाराष्ट्रको भिवान्डी भन्ने स्थानमा रहेको पटेल कम्पाउण्ड क्षेत्रको एक भवन सोमबार बिहान भत्किएको थियो । तीन तल्ले भवन भत्किँदा त्यसमा रहेका व्यक्तिको मृत्यु भएको हो । घटनामा अन्य पाँच जना गम्भीर भएका छन् ।

उनीहरुलाई बिहानै स्थानीय अस्पतालमा पुर्याइएको बताइएको छ । सो भवनमा पुरिएका व्यक्तिलाई तत्कालै उद्धार गरी निकालिएको भारतको ‘नेसनल डिजास्टर रेस्पोन्स फोर्स्’ले जनाएको छ ।

भत्किएको भवनको भग्नावशेषभित्र केही व्यक्ति पुरिएको हुनसक्ने आशंकामा उद्धारको काम तत्कालै थालिएको पनि उद्धार अधिकारीहरुले जानकारी दिएका छन् । त्यस भवनमा २० देखि २५ जनासम्म व्यक्ति च्यापिएका थिए । उनीहरुमध्ये करिब २० जनालाई उद्धार गरी निकालिएको छ ।

 

HT

Leave a Reply

Your email address will not be published. Required fields are marked *