• Sun. Oct 25th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

डा. केसीको जीवन रक्षाका गम्भीर कदम चाल्नु नपरोस्ः चिकित्सक संघ

ByHT

Sep 30, 2020
Spread the love

काठमाडौं । नेपाल चिकित्सक संघले डा. गोविन्द केसीको जीवन रक्षाका लागि सरकारलाई गम्भीर हुन चेतावनी दिएको छ । संघले बुधबार विज्ञप्ति जारी डा. केसीका माग सम्बोधन गर्न सरकारले उदासिनता देखाएको भन्दै आफूहरुको ध्यानाकर्षण भएको जनाएको हो ।

विज्ञप्तिमा भनिएको छ,‘नेपाल चिकित्सक संघका आजीवन सदस्य प्रा. डा. गोविन्द केसीको १९ औं पटकको सत्याग्रहको आज १७ औं दिन भइसक्दा पनि नेपाल सरकारले वार्ता टोली गठन गरी डा. के.सी.को जीवन रक्षाका लागि कुनै पहल नगरेकोप्रति नेपाल चिकित्सक संघको गम्भिर ध्यानाकर्षण भएको छ ।’

केसीको जीवन रक्षाका लागि हुनसक्ने कार्यक्रमलाई मध्यनजर गर्दै यथाशिघ्र वार्ता टोली गठन गरी समस्या समाधान गर्न अपरिहार्य भएको संघले ठहर गरेको छ । उसले केसीको जीनन रक्षाका लागि कठोर कदम चाल्ने परिस्थिति सृजना नगर्न सरकारलाई आग्रह गरेको छ ।

HT

Leave a Reply

Your email address will not be published. Required fields are marked *