• Fri. Oct 30th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

डा. केसीका माग तत्काल सम्बोधन गर्न गोदानको माग

ByHT

Oct 2, 2020
Spread the love

काठमाडौं । सरकारी चिकित्सक संघ नेपालले कोभिड नियन्त्रणको अग्रपंक्तिमा रहेर काम गर्ने चिकित्सक तथा स्वास्थ्यकर्मीको सुरक्षामा सरकारले ध्यान नदिएको भन्दै विभिन्न माग अघि सारेको छ ।

संघले शुक्रबार विज्ञप्ति जारी गरी लकडाउनलाई मात्र समाधान ठानी राज्य विभिन्न राजनीतिक नियुक्ति गर्न, दिवसहरू मनाउन, पदक बाँड्न तथा समय समयमा कोभिड भत्ता दिने केवल वाचा मात्र गर्न व्यस्त देखिएको भन्दै आपत्ति जनाएको हो ।

संघले सम्पूर्ण कर्मचारी, सुरक्षाकर्मी आदिलाई तत्काल यथेष्ट मात्रामा गुणस्तरीय मास्क, फेस सिल्ड, सेनिटाइजर लगायत सामग्री उपलब्ध गराउन माग गरेको छ । त्यसैगरी चिकित्सक भत्ता स्वरूप पाँच सय प्रतिशत वृद्धि, वृत्ति विकास र सामाजिक सुरक्षाका विषय स्वास्थ्य मन्त्रालयको प्रस्ताव बमोजिम यथाशीघ्र लागू गर्न माग गरेको छ ।

उसले पटक पटकको लकडाउनलाई समाधान नभई युद्दस्तरको तयारीको अवसरका रूपमा लिई अघि बढ्नसमेत आग्रह गरेको छ । त्यस्तै संघले राष्ट्रलाई आवश्यक रहेका चिकित्सक, नर्स तथा स्वास्थ्यकर्मीको स्थायी पदपूर्ति तत्काल लोकसेवामार्फत यथेष्ट मात्रामा द्रुत प्रक्रियाबाट गर्नसमेत माग गरेको छ ।

HT

Leave a Reply

Your email address will not be published. Required fields are marked *