• Tue. Oct 20th, 2020

हिमालयन ट्रिबुन

चाखलाग्दा खबर, विश्लेषणात्मक बिचार

विश्वका १० प्रतिशत मानिस कोरोना भाइरसबाट संक्रमितः डब्लुएचओ

ByHT

Oct 6, 2020
Spread the love

विश्व स्वास्थ्य संगठन (डब्लुएचओ) विश्वका १० प्रतिशत मानिस कोरोना भाइरसबाट संक्रमित भएको हुन सक्नेले जनाएको छ । स्विट्जरल्याण्डको जेनेभामा डब्लुएचओका शीर्ष नेताहरुको विशेष बैठकमा उसले विश्वमा हरेक १० मा एकजना कोरोना भाइरसबाट संक्रमित भएको हुन सक्ने बताएको बीबीसीले उल्लेख गरेको छ ।

संक्रमितको अनुमानित संख्याको अर्थ विश्वको धेरै क्षेत्र अझै पनि जोखिममा रहेको भन्ने रहेको उच्च अधिकारीले बताएका छन् । डब्लुएचओका अनुसार विश्वभर तीन करोड ५४ लाख भन्दा बढी मानिस संक्रमित भएका छन् ।

तर संक्रमितको वास्तविक संख्या ८० करोड नजिक रहेको डब्लुएचओको अनुमान छ । विज्ञहरुले यसअघिदेखि नै लगातार वास्तविक संक्रमितको संख्या पुष्टि भएको भन्दा अधिक रहेको बताउँदै आएका छन् ।

महामारी नियन्त्रणका लागि विश्वव्यापी रुपमा भइरहेका प्रयासहरुबारे छलफल गर्न स्वीट्जरल्याण्डको जेनेभामा डब्लुएचओको विशेष बैठक बसेको हो । विश्वका कतियपय देशहरु अहिले कोरोना संक्रमणको दोस्रो लहरसँग जुधिरहेका छन् ।

HT

Leave a Reply

Your email address will not be published. Required fields are marked *