• Thu. Oct 22nd, 2020

हिमालयन ट्रिबुन

चाखलाग्दा खबर, विश्लेषणात्मक बिचार

विश्वमा कोरोना संक्रमितको संख्या तीन करोड ८३ लाख ५२ हजार नाघ्यो

ByHT

Oct 14, 2020
Spread the love

विश्वभर महामारीको रुपमा फैलिएको कोरोना भाइरस संक्रमितको संख्या ३ करोड ८३ लाख ५२ हजार ७७६ पुगेको छ । पछिल्लो २४ घण्टामा ३ लाख १३ हजार २ सय भन्दाबढी संक्रमित थपिएका छन् भने ५ हजार बढीको मृत्यु भएको वल्डोमिटरमा उल्लेख छ । योसँगै कोरोना संक्रमणका कारण विश्वभर मृत्यु हुनेको संख्या १० लाख ९० हजार २२५ पुगेको छ ।

हालसम्म २ करोड ८८ लाख ४५ हजार ५ सय ४४ कोरोनामुक्त भएका छन् । पछिल्लो २४ घण्टामा २ लाख ४७ हजार ९ सय भन्दाबढी संक्रमण मुक्त भएका हुन् । संक्रमितमध्ये ८४ लाख १६ हजार बढीको विभिन्न अस्पतालमा उपचार भइरहेको छ भने ६९ हजार ९ सय बढीको अवस्था गम्भीर रहेको छ ।

कोरोना संक्रमणका कारण सबैभन्दा बढी प्रभावित अमेरिकामा संक्रमितको संख्या ८० लाख ९० हजार २ सय ५३ पुगेको छ । कोरोनाका कारण २ लाख २० हजार ८ सय ७३ जनाको मृत्यु भएको छ भने ५२ लाख २६ हजार भन्दाबढी मानिस निको भएका छन् ।

यस्तै, भारतमा एकैदिन ६३ हजार ५ सय भन्दा बढीमा संक्रमण पुष्टि भएसंगै संक्रमितको संख्या ७२ लाख ३७ हजार ८२ पुगेको छ । भारतमा कोरोनाका कारण मृत्यु हुनेको संख्या १ लाख १० हजार ६१७ पुगेको छ भने ६१ लाख ५८ हजार ७ सय भन्दाबढी संक्रमणमुक्त भएका छन् । ब्राजिलमा ५१ लाख १४ हजार ८ सय २३ मानिस संक्रमित भएका छन् भने १ लाख ५१ हजार बढीको मृत्यु भएको छ । संक्रमितमध्ये ४५ लाख २६ हजार ९ सय भन्दाबढी निको भएका छन् ।

 

HT

Leave a Reply

Your email address will not be published. Required fields are marked *