महासंघमा ढकाल समूहद्वारा उम्मेदवारी दर्ता

Spread the love

काठमाडौं । नेपाल उद्योग वाणिज्य महासंघको वरिष्ठ उपाध्यक्षमा वर्तमान उपाध्यक्ष चन्द्रप्रसाद ढकाल समूहले उम्मेदवारी दर्ता गराएको छ । मंगलबार महासंघको केन्द्रीय कार्यालय टेकूमा ढकालसहित उनको प्यानलका सबै उपाध्यक्ष पदका उम्मेदवारहरुले उम्मेदवारी दर्ता गराएका हुन् । ढकाल प्यानलबाट बस्तुगत उपाध्यक्षमा उमेशलाल श्रेष्ठ, जिल्लानगर उपाध्यक्षमा गुणनिधि तिवारी र एशोशिएट उपाध्यक्षमा रामचन्द्र संघईले उम्मेदवारी दर्ता गराएका छन् ।

यसैगरी महासंघको केन्द्रीय सदस्यमा हेमराज ढकाल, कमला श्रेष्ठ, आकास अधिकारी, जय सिबाकोटी, सुवास भण्डारी, प्रकाश सिंह कार्की, भक्त हमाल, सुबोध कुमार गुप्ता, सुमित केडिया, रबिन कुमार श्रेष्ठ, नरेश लाल श्रेष्ठले उम्मेद्वार दर्ता गराएका छन् ।

उम्मेदवारी दर्तापछि ढकालले कोभिड–१९ र अन्य विभिन्न कारणबाट उत्पन्न व्यवसायिक समस्या समाधान र मुलुकको आर्थिक सम्मृद्धिमा सशक्त निजी क्षेत्रको खाँचो रहेकोले आफूले उम्मेदवारी दिएको बताए ।

उनले व्यवसाय र व्यवसायीलाई बचाउन, अहिलेको समस्याबाट मुलुकको समग्र अर्थतन्त्रलाई बचाउन र मुलुकको विकास र सम्मृद्धिमा सरकारसँग हातेमालो गर्न तथा निजी क्षेत्रको विकासमा रचनात्मक भूमिका निभाउन उम्मेद्वारी दिएको उल्लेख गरे ।

यसअघि सोमबार महासंघको वरिष्ठ उपाध्यक्ष पदका लागि किशोर प्रधानले मनोनयन दर्ता गराएका थिए । प्रधान समूहबाट वस्तुगत उपाध्यक्षमा अन्जन श्रेष्ठ, जिल्ला नगर उपाध्यक्षमा दिनेश श्रेष्ठ र एसोसिएटमा सौरभ ज्योतिले उम्मेदवारी दर्ता गराएका छन् ।

महासंघको ५४औं वार्षिक साधारणसभा तथा निर्वाचन आगामि मंसिर ११, १२ र १३ गते काठमाडौंमा हुँदैछ । गत चैत्रमा हुनुपर्ने महासंघको ५४औं साधारणसभा तथा निर्वाचन कोभिड–१९ का कारण स्थगित भएको थियो ।

 

HT

Leave a Reply

Your email address will not be published. Required fields are marked *

Next Post

पार्टी एकता कायम राख्न भूमिका खेल्न उपाध्यक्ष गौतमलाई राष्ट्रपतिको आग्रह

२०७७ कार्तिक १८, मंगलवार १३:०८
Spread the loveकाठमाडौँ । राष्ट्रपति विद्यादेवी भण्डारीले सत्तारुढ नेकपाका उपाध्यक्ष वामदेव गौतमलाई पार्टीभित्र देखिएको विवाद समाधानका लागि भूमिका खेल्न आग्रह गरेकी छन् । राष्ट्रपति भण्डारीले मंगलबार शीतलनिवास बोलाएर उपाध्यक्ष गौतमलाई पार्टीभित्रको विवाद समाधानका लागि भूमिका खेल्न आग्रह गरेकी हुन् । भेटमा उपाध्यक्ष गौतमले पार्टीभित्रको पछिल्लो अवस्थाबारे राष्ट्रपतिलाई जानकारी गराएका थिए […]