बीपी प्रतिष्ठानमा उपचाररत दुई जना कोरोना संक्रमितको मृत्यु

Spread the love

धरान । सुनसरीको धरानस्थित बीपी कोइराला स्वास्थ्य विज्ञान प्रतिष्ठानमा उपचाररत दुई जना कोरोना संक्रमितको मृत्यु भएको छ । मृत्यु हुनेमा सुनसरीको इटहरीकी ९ वर्षीया बालिका र धरानकी ६१ वर्षीया महिला छन् ।

उनीहरुको आज बिहान मृत्यु भएको प्रतिष्ठानका सहप्रवक्ता डा. आशिष श्रेष्ठले जानकारी दिएका छन् । ६५ वर्षीया महिलामा गत असोज ३० गते कोरोना संक्रमण पुष्टि भएको थियो । उनी कात्तिक ५ गते बीपी कोइराला स्वास्थ्य विज्ञान प्रतिष्ठानको कोभिड अस्पतालमा भर्ना भएकी थिइन् ।

श्वास प्रश्वास र उच्च रक्तचापबाटसमेत पीडित उनको आज बिहान सवा ३ बजे मृत्यु भएको अस्पतालले जनाएको छ । यसैगरी ९ वर्षीया बालिकाको आजै बिहान ३ः२५ बजे मृत्यु भएको हो । ती बालिकामा यही कात्तिक १७ गते कोरोना संक्रमण पुष्टि भएको थियो । उनलाई भोलिपल्टै कोभिड अस्पतालमा भर्ना गरेर उपचार सुरु गरिएको थियो ।

HT

Leave a Reply

Your email address will not be published. Required fields are marked *

Next Post

मुस्ताङमा सशस्त्र प्रहरीको बिओपीको भवन शिलान्यास

२०७७ कार्तिक १९, बुधबार ०४:५६
Spread the loveकाठमाडौं । गृह सचिव महेश्वर न्यौपानेले मुस्ताङको लोमाङ्थाङ ४ नेचुङमा निर्माण हुने सशस्त्र प्रहरी बल नेपालको बोर्डर आउट पोस्ट ( बिओपी ) को शिलान्यास गरेका छन् । सशस्त्र प्रहरी महानिरीक्षक शैलेन्द्र खनालसहित नेचुङ पुगेका न्यौपानेले बुधबार भवनको शिलान्यास गरेका हुन् । गत जेठ १५ गते भन्सार कार्यालय र […]